Wed,21 February 2024,9:34 am
Print
header

હવે અમદાવાદીઓને રસ્તા પર થૂંકવું પડી શકે છે ભારે, 50 રૂપિયાથી લઇને 500 રૂપિયા સુધીનો દંડ વસૂલવામાં આવી રહ્યો છે

અમદાવાદઃ હવે શહેરમાં રસ્તા પર થૂંકવું લોકોને મોંઘુ પડશે. મહાનગરપાલિકા આવા લોકો પાસેથી દંડ વસૂલ કરી રહી છે અને તેની શરૂઆત પણ કરવામાં આવી છે. અમદાવાદ મ્યુનિસિપલ કોર્પોરેશને બે દિવસમાં 287 લોકો પાસેથી રૂ.31,000નો દંડ વસૂલ્યો છે.

અમદાવાદ મ્યુનિસિપલ કોર્પોરેશનના કમિશનરે જાહેર સ્થળો કે દિવાલો પર થૂંકનારા અને પાન-મસાલા ખાધા પછી થૂંકનારાઓ પાસેથી દંડ વસૂલવાનો આદેશ કર્યો છે, ત્યારબાદ કોર્પોરેશનના અધિકારીએ અનેક લોકો પાસેથી દંડ વસૂલ્યો છે.

સામાન્ય રીતે રસ્તા પર ચાલતી વખતે કે વાહનોમાં મુસાફરી કરતી વખતે પાન-મસાલા ખાધા પછી લોકો તેને રસ્તા પર કે દિવાલો પર ફેંકીને ગંદકી ફેલાવે છે. જેના કારણે કોઈપણ શહેર કે ગામની સ્વચ્છતા જાળવવી મુશ્કેલ બની જાય છે. પરંતુ આવા લોકોને સુધારવા અને શહેરની સ્વચ્છતા જાળવવા માટે અમદાવાદમાં એક ખાસ ઝુંબેશ શરૂ કરવામાં આવી છે.

અમદાવાદ મ્યુનિસિપલ કોર્પોરેશનના કમિશનર એમ. થેન્નારસને અધિકારીઓને જાહેર સ્થળોએ થૂંકનારા અને કચરો ફેંકનારાઓને દંડ ફટકારવાનો આદેશ આપ્યો છે. માત્ર બે દિવસમાં 287 લોકો ઝડપાયા અને તેમની પાસેથી 31,000 રૂપિયાનો દંડ વસૂલવામાં આવ્યો છે.

રૂપિયા 50 થી 500 રૂપિયા સુધીનો દંડ

અમદાવાદ મ્યુનિસિપલ કોર્પોરેશનની ટીમ ગંદકી ફેલાવવા બદલ 50 થી 100 રૂપિયા સુધીનો દંડ વસૂલે છે. જો વાહનચાલકો રસ્તા પર થૂંકતા પકડાય તો 50 થી 500 રૂપિયા સુધીનો દંડ થઈ શકે છે.

કાર્યવાહી કરીને સોલિડ વેસ્ટ મેનેજમેન્ટ વિભાગની ટીમે પ્રથમ દિવસે જ અમદાવાદ શહેરના વિવિધ વિસ્તારોમાંથી કુલ 152 લોકોને અને બીજા દિવસે જાહેર સ્થળે થૂંકતા 135 લોકોને પકડીને દંડ ફટકાર્યો હતો.

અમદાવાદ મ્યુનિસિપલ કોર્પોરેશને શહેરમાં ગંદકી ફેલાવનારાઓ પાસેથી પ્રથમ દિવસે રૂ. 16,000 અને બીજા દિવસે રૂ. 15,000નો દંડ વસૂલ્યો છે. અમદાવાદ શહેરને સ્વચ્છ રાખવા માટે મ્યુનિસિપલ કોર્પોરેશન દ્વારા આગામી દિવસોમાં આ ઝુંબેશ વધુ તેજ કરવામાં આવશે.

અમદાવાદ શહેરના SG હાઇવે, નારણપુરા, નવરંગપુરા, વાડજ, મણિનગર, વેજલપુર, રાણીપ, પાલડી, સાબરમતી, ચાંદખેડા, નરોડા, બાપુનગર, સૈજપુર બોઘા, ચાંદલોડિયા, IIM રોડ સહિતના વિસ્તારોમાં પાનની દુકાનો પાસે જાહેરમાં રસ્તા પર ઉભા રહીને થૂંકનારાઓ સામે કડક કાર્યવાહી કરવામાં આવી રહી છે.

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો

Gujarat Post News | Gujaratpost | Gujaratpostnews | Gujarati news webportel| Gujarati news website

રાજનીતિના સમાચારો માટે આ લિંક પર ક્લિક કરો 

Politics | Gujarat Post

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch