Tue,18 June 2024,11:21 pm
Print
header

અમદાવાદના તથ્યકાંડ જેવો બનાવ, સુરતમાં હોન્ડા સીટીના ચાલકે 7 લોકોને કચડી નાખ્યાં, 3 લોકોનાં મોત

સુરતઃ અમદાવાદના ઇસ્કોન બ્રિજ પર તથ્ય પટેલે અનેક લોકોને કચડી નાખ્યાં હતા, તેવો જ બનાવ સુરતમાં બન્યો છે, વરાછા રિંગરોડ પર ફિલ્મી સ્ટાઇલમાં પુર ઝડપી જઇ રહેલી હોન્ડા સીટી કારે 7 લોકોને અડફેટે લીધા છે, જેમાંથી 3 લોકોનાં મોત થઇ ગયા છે. કેટલાક લોકો રોડ સાઇટ પર ઉભા હતા તેમને પણ કચડી નાખ્યાં હતા.

ગત રાત્રે બનેલી આ ઘટનામાં પોલીસે આરોપીને ઝડપી પાડ્યો છે. આરોપીનું કહેવું છે કે તેને ઝોકું આવી જતા સ્ટીયરીંગ પરથી કાબૂ ગુમાવ્યો હતો અને આ અકસ્માત થયો હતો. મૃતકોમાં બાઇક સવાર પણ છે. ચાલકે કૂલ 4 વાહનોને જોરદાર ટક્કર મારી હતી. મૃત્યું પામેલાઓ લોકોમાં 6 વર્ષીય વિયાન વાઘાણી, તેના પિતા દેવેશ વાઘાણી, 29 વર્ષીય સંકેત વાવલિયાનો સમાવેશ થાય છે. એક ગર્ભવતી મહિલા સહિત 4 લોકો ઘાયલ છે, જેમને હોસ્પિટલમાં સારવાર આપવામાં આવી રહી છે.
 
ઉત્તરાણ પોલીસે જીગ્નેશ અમૃતલાલ ગોહિલ કે જે અમરોલી વિસ્તારમાં સ્ટાર ગેલેક્સી રોડ પર રહે છે. તેની ધરપકડ કરી છે.
તેનું કહેવું છે કે તે અમદાવાદથી કેન્સરની દવા લઇને તેના સંબંધી સાથે આવી રહ્યો હતો અને સુરતમાં આવીને આ બનાવ બન્યો હતો. હાલમાં પોલીસે જીગ્નેશની વધુ તપાસ હાથ ધરી છે.

અમારી મોબાઇલ એપ ડાઉનલોડ કરોઃ

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch