ચૂંટણીમાં ફરજ બજાવવાની ના પાડનારા શિક્ષિકાની અટકાયત બાદ છૂટકારો, જાણો સમગ્ર મામલો

અમદાવાદઃ ચૂંટણી કામગીરીમાં ફરજ બજાવવાની ના પાડનારા શિક્ષિકાની અટકાયત કર્યાનો કિસ્સો પ્રકાશમાં આવ્યો છે. આદેશ મુજબ ચૂંટણીની કામગીરીમાં હાજર ન રહેતા શિક્ષિકા હીનલ પ્રજાપતિ સામે કાર્યવાહી કરાઇ હતી. હીનલ પ્રજાપતિ અમદાવાદના ચેનપુર પ્રાથમિક શાળામાં શિક્ષિકા તરીકે ફરજ બજાવે છે. પોલીસ હીનલ પ્રજાપતિની અટકાયત કરવા શાળાએ પહોંચી હતી. શિક્ષિકાએ જણાવ્યું હતું કે, ચૂંટણીની કામગીરીમાં ભાગ ન લઈ શકવાનું કારણ જણાવવા છતાં તેમને BLOનું કામ સોંપવામાં આવ્યું હતું.

શિક્ષિકાએ કહ્યું, ઘરમાં સાસુ અને સસરા બીમાર છે. બાળક નાનું છે, જેના કારણે મેં માંગણી કરી હતી કે ઘાટલોડિયા વિધાનસભામાં મને BLOનું કામ આપવાને બદલે નજીકમાં BLOનું કામ આપવામાં આવે. ચૂંટણીની કામગીરીમાં ભાગ ન લેવાનું કારણ સમજાવ્યાં બાદ પણ પોલીસ તેમને લેવા આવી હતી.

શિક્ષિકા વિરુદ્ધ ધરપકડ વોરંટથી શિક્ષક સંઘમાં રોષ

શિક્ષિકાની અટકાયત બાદ પોલીસ સામે શિક્ષક સંઘો દ્વારા વિરોધ નોંધાવવામાં આવ્યો છે. યુનિયને કહ્યું કે ચૂંટણી અધિકારીઓએ ધરપકડ જેવા આદેશ આપતા અધિકારીઓ પર ધ્યાન આપવું જોઈએ. પસંદગીનું કામ મોટી સંખ્યામાં શિક્ષકો કરે છે. શિક્ષિકા હાજર ન રહેવાના કારણો આપ્યાં છતાં તેમની સામે ધરપકડ જેવી કાર્યવાહીનો આદેશ આપવો યોગ્ય નથી. યુનિયને માંગણી કરી છે કે મહિલા શિક્ષકોને ઘર નજીક ફરજ બજાવવી જોઈએ.

નાયબ કલેકટરે શિક્ષિકાની ફરજ બદલવાનો આદેશ કર્યો હતો

શિક્ષિકાની ધરપકડના આદેશ અંગે નાયબ કલેક્ટર ઉમંગ પટેલે જણાવ્યું હતું કે, ચેનપુર સ્થિત શાળાના શિક્ષકને BLOની જવાબદારી સોંપવામાં આવી હતી. શિક્ષિકાએ બીએલઓની જવાબદારી ન આપવા લેખિતમાં જણાવ્યું હતું. તેમને નોટિસ પાઠવી સ્પષ્ટતા આપવા જણાવ્યું હતું. તેમ છતાં જ્યારે તે હાજર ન હતા, ત્યારે તેમને હાજર કરવા માટે વોરંટ આપવામાં આવ્યું હતું. તેમણે શિક્ષિકાની વાત સાંભળી છે અને તેના જવાબથી સંતુષ્ટ થયા બાદ તેમને અન્ય જગ્યાએ ફરજ સોંપવા માટે કહેવામાં આવ્યું છે.

સૌથી ઝડપી સમાચારો માટે આ લિંક પર ક્લિક કરો

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post

ગુજરાતના લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

રાજનીતિના સમાચારો માટે આ લિંક પર ક્લિક કરો 

Politics | Gujarat Post