Tue,18 June 2024,11:30 am
Print
header

પતિ-પત્નીએ મળીને મિત્રનું કાસળ કાઢી નાખ્યું, મિત્રને ઘરે બોલાવીને હત્યા કરીને શરીરના ટુકડા કેનાલમાં ફેંકી દીધા

અમદાવાદઃ બાપુનગરમાં રહેતા યુવકની તેના મિત્રએ જ હત્યા કરી નાખી છે. આ યુવકે મિત્રની પત્નીની છેડતી કરી હતી અને તે એક તરફી પ્રેમ કરતો હતો. મિત્રએ પત્ની સાથે મળીને યુવકને સરપ્રાઇઝ આપવાનું કહીને ઘરે બોલાવ્યો હતો અને તેની હત્યા કરી નાખી હતી.આ યુવક થોડા દિવસ અગાઉ ગુમ થયો હતો. પરિવારજનોની ફરિયાદને આધારે પોલીસ તપાસ કરી તો જાણવા મળ્યું કે તેની હત્યા કરીને લાશના ટુકડાઓને કેનાલમાં ફેંકી દીધા હતા.

બાપુનગરમાં રહેતો મોહંમદ મેરજાની સુલતાન સૈયદ સાથે મિત્રતા હતી. સુલતાનની પત્નીની મોહંમદ મેરજાએ છેડતી કરી હતી, તેની સાથે શરીર સંબંધ બનાવવા દબાણ કરતો હતો.આ અંગે સુલતાનને જાણ કરતા તેણે પત્ની સાથે મળીને મેરજાની હત્યાનું કાવતરું ઘડ્યું હતું. ગત 22 જાન્યુઆરીએ સુલતાનની પત્નીએ મોહંમદ મેરજાને સરપ્રાઇઝ આપવાનું કહીને ઘરે બોલાવ્યો હતો. 

મોહંમદ મેરજા સુલતાનના ઘરે પહોંચતાં જ સરપ્રાઇઝ ગિફ્ટ આપવાનું કહીને તેની આંખે દુપટ્ટો બાંધી દીધો હતો. બાદમાં સુલતાને યુવકના પેટમાં તલવાર મારીને કાસળ કાઢી નાખ્યું હતું. માથું ધડથી અલગ કરીને કચરામાં ફેંકી દીધું હતું. જ્યારે લાશના ટુકડા થેલીમાં ભરીને સ્કૂટી પર જઇને ઓઢવ કેનાલમાં ફેંકી દીધા હતાં. પતિ-પત્નીએ યુવકની હત્યા કરીને જેમ કંઇ બન્યું જ ન હોય તેમ રહેતા હતા. ક્રાઇમ બ્રાંન્ચે પતિ-પત્નીની અટકાયત કરીને તેમની પૂછપરછ કરતા આ કેસ હત્યાનો હોવાનું સામે આવ્યું હતુ.

રાજનીતિના સમાચારો માટે આ લિંક પર ક્લિક કરો 

Politics | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો 

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch