Wed,20 January 2021,6:08 pm
Print
header

ભારતીય ક્રિકેટ ટીમના કેપ્ટન વિરાટ કોહલી- અનુષ્કા શર્માના ઘરે થયો લક્ષ્મીનો જન્મ

નવી દિલ્હીઃ વિરાટ કોહલી અને અનુષ્કા શર્માના ઘરે લક્ષ્મીનો જન્મ થયો છે. ભારતીય ટીમના કેપ્ટન વિરાટ કોહલી અને બોલિવૂડ એક્ટ્રેસ અનુષ્કા શર્મા આજે દીકરીના માતા પિતા બન્યાં છે. વિરાટ કોહલીએ ટ્વિટ કરીને આ જાણકારી શેર કરી હતી. વિરાટે ટ્વિટ કર્યું હતું કે અમને બંનેને એ જણાવતા આનંદ થઈ રહ્યો છે કે આજે બપોરે અમારે ત્યાં પુત્રીનો જન્મ થયો છે. અમે તમારા પ્રેમ અને મંગલકામનાઓ માટે દિલથી આભારીએ છીએ. અનુષ્કા અને અમારી પુત્રી બંને સ્વસ્થ છે અમારું સૌભાગ્ય છે કે અમને જિંદગીના આ ચેપ્ટરના અનુભવની તક મળી.અમે જાણીએ છીએ કે તમે એ જરૂર સમજશો કે હાલના સમયે અમને બધાને થોડી પ્રાઇવસી જોઈએ છે.

લાંબા સમયથી વિરાટ અનુષ્કા પોતાના બાળકની રાહ જોઇ રહ્યાં હતા હવે આખરે તેમના ઘરે કિલકારી ગૂંજી ઉઠી છે અનુષ્કા તથા વિરાટ પોતાની દીકરીનું નામ 'અન્વી'​​​​​​​​​​​​​​ રાખે તેવી ચર્ચાઓ થઇ રહી છે.વિરાટ કોહલી બાળકના જન્મ પહેલાં ઓસ્ટ્રેલિયા પ્રવાસથી પરત ફર્યાં હતા. 11 ડિસેમ્બર 2017ના રોજ બોલીવુડ એક્ટ્રેસ અનુષ્કા સાથે લગ્ન કર્યા હતા. ઇટલીમાં થયેલા લગ્નમાં ખૂબ નજીકના મિત્રો અને સંબંધીઓને બોલાવવામાં આવ્યાં હતા. હવે વિરાટના લાખો ચાહકો સોશિયલ મીડિયા પર તેમને શુભેચ્છાઓ પાઠવી રહ્યાં છે.  

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch

-->