માત્ર લસણ જ નહીં તેના પાન પણ સ્વાસ્થ્ય માટે છે ફાયદાકારક, જાણો કેવી રીતે- Gujarat Post

લસણ ખાવાના ફાયદાઓ વિશે તમે કેટલી વાર સાંભળ્યું હશે અને તમે તેના ફાયદા પણ જોયા જ હશે, તમે લસણની છાલના ફાયદા પણ જાણશો. પરંતુ શું તમે ક્યારેય લસણના પાંદડાના ફાયદા વિશે સાંભળ્યું છે ખરૂં ? શું તમે જાણો છો કે લસણના પાન ખાવાથી સ્વાસ્થ્યને એક નહીં પરંતુ અનેક ફાયદા થાય છે. લસણના પાન ખાવાથી કેવા સ્વાસ્થ્ય લાભ થાય છે. આ ફાયદાઓ જાણ્યા પછી તમે ચોક્કસપણે લસણના પાનને એક નહીં પરંતુ વારંવાર ખોરાકમાં સામેલ કરશો.

કોલેસ્ટ્રોલ લેવલ જાળવી રાખે છે

કોલેસ્ટ્રોલ લેવલને જાળવવામાં લસણના પાન મહત્વની ભૂમિકા ભજવે છે. સક્રિય ઘટક એલિસિન લસણના પાંદડામાં હાજર છે. જે ખરાબ કોલેસ્ટ્રોલના સ્તરને ઘટાડે છે અને સારા કોલેસ્ટ્રોલના સ્તરને વધારવામાં મદદ કરે છે. જેના કારણે હૃદય સંબંધિત સમસ્યાઓનો ખતરો ઓછો થઈ જાય છે.

લોહીનું પરિભ્રમણ સુધારે છે

લસણના પાન પણ લોહીના પરિભ્રમણને સુધારવામાં ખૂબ મદદરૂપ સાબિત થાય છે. તેમાં હાજર વિટામિન સી શરીરમાં આયર્નને શોષવામાં મદદ કરે છે. તેનું સેવન કરવાથી શરીરમાં લાલ રક્તકણોની માત્રા વધે છે, લોહીનું પરિભ્રમણ બરાબર રહે છે.

સારું પાચન રહે છે

લસણના પાનમાં બળતરા વિરોધી ગુણ હોય છે જે પેટ સંબંધિત સમસ્યાઓને દૂર કરવામાં મદદરૂપ સાબિત થાય છે. આ પાનનું સેવન કરવાથી પાચનક્રિયા સારી રહે છે. સાથે જ પેટ ફૂલવાની સમસ્યા પણ થતી નથી.

મેટાબોલિઝમ મજબૂત બને છે

લસણના પાનમાં હાજર એન્ટી-ઓક્સિડન્ટ અને એન્ટી-બાયોટિક ગુણ પેટમાં બેક્ટેરિયાનું સંતુલન જાળવવામાં મદદ કરે છે.તે ચયાપચયને વધુ સારી રીતે જાળવવામાં મદદરૂપ સાબિત થાય છે.

(Disclaimer- આ લેખમાં દર્શાવેલા સૂચનો માત્ર સામાન્ય માહિતીના હેતુ માટે છે, તેને વ્યાવસાયિક તબીબી સલાહ તરીકે ન લેવા જોઈએ. કોઈ પણ રોગ માટે ડૉક્ટરની સલાહ લેવી જરૂરી છે. GUJARATPOST NEWS આ માહિતીની કોઇ પણ જવાબદારી સ્વીકારતું નથી)