Sun,27 November 2022,4:12 am
Print
header

ગુજરાત વિધાનસભા ચૂંટણી 2022: અમરેલીની બેઠકો બની હાઈપ્રોફાઈલ, પીએમ મોદી બાદ અરવિંદ કેજરીવાલ પણ કરશે રોડ શો- Gujarat Post News

અમરેલીઃ ગુજરાત વિધાનસભાની ચૂંટણીને ધ્યાનમાં રાખીને ગુજરાતમાં અનેક નેતાઓ ધામા નાખી રહ્યાં છે, પ્રચાર માટે સ્ટાર પ્રચારકોને મેદાનમાં ઉતારી રહ્યાં છે. વડાપ્રધાન નરેન્દ્ર મોદી, કોંગ્રેસના પૂર્વ અધ્યક્ષ રાહુલ ગાંધી સિવાય અરવિંદ કેજરીવાલ પણ ગુજરાત આવી રહ્યાં છે. વડાપ્રધાન મોદી ગુજરાતના 3 દિવસના પ્રવાસે છે બીજી તરફ અરવિંદ કેજરીવાલ અને રાહુલ ગાંધી સોમવારે ગુજરાત આવી રહ્યાં છે.

અમરેલીમાં રવિવારે બપોરે પીએમ મોદી મોટી જનસભા કરવાના છે, ત્યારે હવે એમના પછી સોમવારે આમ આદમી પાર્ટીના રાષ્ટ્રીય સંયોજક અને દિલ્હીના મુખ્યમંત્રી અરવિંદ કેજરીવાલ પણ અમરેલી આવી રહ્યાં છે, તેઓ અહીં રોડ શો કરશે. અરવિંદ કેજરીવાલ પહેલીવાર અમરેલી જઈ રહ્યાં છે, અમરેલી જિલ્લાના આમ આદમી પાર્ટીના કાર્યકરો તૈયારીમાં લાગી ગયા છે.

અમરેલીની તમામ બેઠકો પર પહેલાથી કોંગ્રેસનું વર્ચસ્વ રહ્યું છે, અહીં ભાજપ, કોંગ્રેસ અને આપનો પ્રચાર આગળ વધી રહ્યો છે. મોદી, રાહુલ અને કેજરીવાલ હવે અહીંની જનતા પાસે વોટ માંગવા પહોંચી રહ્યાં છે.

નોંધનિય છે કે અમરેલી વિધાનસભા બેઠક પર હાલમાં કોંગ્રેસના પરેશ ધાનાણી ધારાસભ્ય છે,અન્ય ચાર બેઠકો ધારી, સાવરકુંડલા, લાઠી, રાજુલામાં પણ ખરાખરીનો જંગ દેખાઇ રહ્યો છે.

રાજનીતિના સમાચારો માટે આ લિંક પર ક્લિક કરો 

Politics | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો 

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch