Sat,20 April 2024,11:13 pm
Print
header

રામ-લક્ષ્મણ જેવા ભાઇઓ, મોટા ભાઇના મોતના સમાચાર મળતા જ નાના ભાઇએ પણ પ્રાણ છોડી દીધા

વર્ષો સુધી સાથે રહેલા ભાઇઓએ દુનિયા પણ સાથે જ છોડી 

પાટણઃ મોટા ભાઇના મોતના સમાચાર મળતા જ નાના ભાઇએ પણ દુનિયાને અલવિદા કહી દીધુ. આ બનાવ છે પાટણનો, મોટા ભાઇના મોતના સીસીટીવી સામે આવ્યાં છે. તેઓ ચાલતા જતા હતા ત્યારે હાર્ટ એટેક આવતા રોડ વચ્ચે જ ઢળી પડ્યાં હતા. ત્યાં હાજર લોકો તેમને હોસ્પિટલ ખસેડે છે. પરંતુ સારવાર મળે તે પહેલા જ તેમનું મોત થઇ ગયું હતું. આ સમાચાર નાના ભાઇને મળતાં તેઓ ઘરે બેઠાં બેઠાં જ ઢળી પડે છે અને તેમનું પણ મોત થઇ જાય છે.

મૃતક અરવિંદભાઈ (ઉ.વ-49) અને દિનેશભાઈ (ઉ.વ-45) પાટણ શહેરના રાણકી વાવ રોડ પર આવેલી દ્વારિકા હોમ્સ સોસાયટીમાં સાથે રહેતા હતા, પાટણ માર્કેટયાડમાં શ્રીરામ ફર્ટીલાઇઝર નામની દુકાનમાં સાથે જ બેસતા હતા. અરવિંદભાઈ પાટણ શહેરના માર્કેટયાર્ડમાં આવેલી નાગરિક શાખા બેંકમાં ચેક ભરવા ગયા હતા. જ્યાં ચેક ભરીને બહાર આવીને ખુરસી પર બેઠા હતા. ત્યાંથી ઉભા થઇને ચાલતાં ચાલતાં રોડ પર જતાં હતા, ત્યારે તેમને એટેક આવ્યો હતો. તેમને જનતા હોસ્પિટલમાં સારવાર મળે તે પહેલાં જ તેમનું મોત થયું હતું.

અરવિંદભાઇના મોતના સમાચાર મળતાં દિનેશભાઇ દુકાનેથી ઘરે આવ્યાં હતા અને પરિવારજનોને આશ્વાસન આપતા હતા. તેવામાં તેમને ગભરાહટ થતાં તેઓ પણ ઢળી પડ્યા હતા. જેથી તેમને હોસ્પિટલ ખસેડવામાં આવ્યા હતા. અરવિંદભાઇના મૃતદેહની અંતિમવિધીની તૈયારીઓ ચાલતી હતી, ત્યાં જ દિનેશભાઇએ પણ હોસ્પિટલમાં આખરી શ્વાસ લીધો હતો. આ સમાચાર મળતાં જ પરિવાર પર આભ ફાટી પડ્યું છે. બંને ભાઇઓની અંતિમવીધી સાથે જ કરાઇ હતી.

રાજનીતિના સમાચારો માટે આ લિંક પર ક્લિક કરો 

Politics | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો 

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch