આખો પરિવાર વિખેરાયો, વડોદરામાં સામૂહિક આત્મહત્યાથી ચકચાર, માતા-પુત્રનું મોત, પતિ સારવાર હેઠળ- gujaratpost

Published By
2023-08-01 11:54:09

પતિએ ઝેરી દવા પીને ગળામાં બ્લેડના ઘા માર્યાં

પોલીસને મળી એક સ્યૂસાઇડ નોટ

મકાન માલિકે મકાન ખાલી કરવાનું કહેતા ભર્યું આ પગલું

મુકેશભાઇ સિક્યોરિટી ગાર્ડની કરતા હતા નોકરી

વડોદરાઃ શહેરમાં સામૂહિક આત્મહત્યાની ઘટનાને પગલે સમગ્ર વિસ્તારમાં ચકચાર મચી છે. આ દુ:ખદ ઘટના કાછિયાપોળ બાબાજીપુરા રાવપુરા વિસ્તારની છે, સિક્યુરિટીમાં કામ કરતા એક વ્યક્તિના પરિવારની આ ઘટના છે. આર્થિક સંક્રમણને કારણે આ પગલું ભર્યું હોવાનું સામે આવ્યું છે. જેમાં માતા નયનાબેન અને પુત્ર મિતુલનું મોત નિપજ્યું છે. પિતા મુકેશભાઈ પંચાલ સયાજી હોસ્પિટલમાં સારવાર હેઠળ છે.

ભાડાના ઘરમાં રહેતા મુકેશભાઈ પંચાલના પરિવારની આ ઘટના છે. મકાન માલિકે આ અંગે પોલીસને જાણકારી આપી હતી. હાલ મૃતક માતા અને પુત્રના મૃતદેહને એસએસજી હોસ્પિટલ ખસેડવામાં આવ્યાં છે. બંનેનું એસએસજી હોસ્પિટલ ખાતે પીએમ કરવામાં આવશે.

પડોશીના કહેવા મુજબ તેઓની આર્થિક સ્થિતિ બહુ જ નબળી હતી. તેઓ અહી પાંચ વર્ષથી ભાડેથી રહેતા હતા. અઠવાડિયાથી તેમની સાથે વાત થઈ ન હતી. આ પરિવાર બહુ બહાર નીકળતો ન હતો. પોલીસે હાલમાં આ કેસની વધુ તપાસ હાથ ધરી છે.