ગોદરેજ ગાર્ડન સીટીમાં પતિએ પત્નીની હત્યા કરીને ઘરને લગાવી આગ- Gujarat Post

Published By
gujaratpost.in
2023-01-20 11:04:13

મૃતક અનિતા બઘેલના પતિ અનિલ બઘેલના શરીર પર મળ્યાં ચપ્પાના ઘા

પતિ-પત્ની વચ્ચે ઝઘડામાં પત્નીનું ગળું કપાતા મોત

અમદાવાદઃ શહેરમાં એક ચોંકાવનારો કિસ્સો સામે આવ્યો છે. પતિએ પત્નીનું ગળું કાપીને હત્યા કર્યાં બાદ ઘરમાં આગ લગાવી દીધી હતી, શહેરના ગોદરેજ ગાર્ડન સિટીમાં આવેલા ઈડન-V બ્લોકના ચોથા માળે ભયાનક આગ લાગી હતી.સૂત્રોના જણાવ્યાં મુજબ, પતિ-પત્ની વચ્ચે ઝઘડો થયો હતો. જે બાદ બંનેએ છરી વડે એકબીજા પર પ્રહાર કર્યાં હતા. ફ્લેટમાં પતિ-પત્ની અને બે સંતાનો રહેતા હતા. ઘટના બની ત્યારે સંતાનો સ્કૂલે ગયા હતા.

થોડા દિવસ પહેલા શાહીબાગ વિસ્તારના ગ્રીન ઓર્કિડ બિલ્ડિંગમાં આગ લાગી હતી.આ ઘટનામાં સારવાર માટે મોકલવામાં આવેલી એક કિશોરીનું મોત થયું હતું. અહીં શરૂઆતમાં બે ભાઈ ફસાઇ ગયા હત, આગ ઓલવવા માટે ફાયર ફાઇટરની કુલ 15 ગાડીઓ તેમજ ટીમ સાથે અધિકારીઓ સ્થળ ઉપર પહોંચી ગયા હતા અને આગ પર કાબૂ મેળવ્યો હતો.