કરોડો રૂપિયાની સોનાની દાણચોરીમાં PSI પરાગ દવેની સંડોવણી આવી સામે, માસ્ટરમાઇન્ડ સુધી પહોંચવા એજન્સીના પ્રયાસ

Published By
gujaratpost.in
2023-07-11 10:56:59

સુરત એરપોર્ટ પર સોનાનું સ્મગલિંગ

અધિકારીની સંડોવણી આવી બહાર

સુરતઃ બે દિવસમાં સુરત એરપોર્ટ પરથી અંદાજે 27 કરોડ રૂપિયાનું સ્મગલિંગનું સોનું પકડાયું છે, અંદાજે 44 કિલો સોના સાથે ત્રણ આરોપીઓને ડીઆરઆઇએ ઝડપી પાડ્યાં છે. આ કૌભાંડમાં હવે પીએસઆઇ પરાગ દવેની સંડોવણી પણ બહાર આવી છે. ઇમિગ્રેશન અધિકારીની સંડોવણીથી સુરક્ષા પર પણ સવાલ ઉઠી રહ્યાં છે.

શારજહાંથી આવેલા 3 મુસાફરોએ બેલ્ટમાં 44 કિલો સોનું પેસ્ટ બનાવીને છુપાવ્યું હતુ, ડીઆરઆઇએ બાતમીને આધારે આ ત્રણેયને ઝડપી પાડ્યાં છે.ત્યાર બાદ બીજા દિવસે ટોઇલેટમાંથી સાડા 4 કિલો સોનું બિનવારસી હાલતમાં ઝડપાયું હતુ. આ સોનું વિદેશથી અહીં લાવનારા આરોપીઓ ઝડપાઇ ગયા છે.

આ લોકો પહેલા પણ આવી રીતે સોનું લઇને આવ્યાં હોય શકે છે, જો કે આ સોનું તેઓ કોને આપવાના હતા તે દિશામાં ડીઆરઆઇ એ તપાસ હાથ ધરી છે. હાલમાં આ મામલે નવા મોટા ઘટસ્ફોટ થવાની શક્યતા છે.