Fact Check: માલદીવના રાષ્ટ્રપતિએ ભારતની માફી માંગી, જાણો વાયરલ ટ્વિટની સચ્ચાઇ- Gujarat Post

Published By
gujaratpost.in
2024-01-10 10:41:07

Fact Check:

નવી દિલ્હીઃ દરરોજ, અસંખ્ય નકલી અને ભ્રામક સમાચાર સોશિયલ મીડિયા પર વાયરલ થાય છે. આ સમાચાર સામાન્ય રીતે કોઈપણ મોટા મુદ્દાને લઈને શેર કરવામાં આવે છે. સામાન્ય યુઝર્સ સરળતાથી આ ખોટા સમાચારોનો ભોગ બને છે. તેમને સાચા માનીને આગળ શેર કરવાનું શરૂ કરે છે. તાજેતરના ફેક ન્યૂઝનો લેટેસ્ટ મામલો ભારત અને માલદીવ વચ્ચે ચાલી રહેલા તણાવ સાથે સંબંધિત છે. માલદીવના રાષ્ટ્રપતિ મોહમ્મદ મુઈઝુએ ભારતની માફી માંગી હોવાનો દાવો કરતા ટ્વિટનો સ્ક્રીનશોટ સોશિયલ મીડિયા પર શેર કરવામાં આવી રહ્યો છે. જોકે, ફેક્ટ ચેકમાં આ દાવો સંપૂર્ણપણે ખોટો સાબિત થયો છે.

માલદીવના મંત્રીઓ દ્વારા ભારત અને પીએમ નરેન્દ્ર મોદી પર કરવામાં આવેલી અપમાનજનક ટિપ્પણીઓને કારણે ભારત અને માલદીવ વચ્ચેના સંબંધો હાલમાં તણાવમાં છે. દરમિયાન માલદીવના રાષ્ટ્રપતિ મોહમ્મદ મુઈઝુના નામનું એક ટ્વિટ સોશિયલ મીડિયા પર વાયરલ થઈ રહ્યું છે જેમાં દાવો કરવામાં આવ્યો છે કે તેમણે ભારતના લોકોની માફી માંગી છે. મુઈઝુના ટ્વિટનો આ સ્ક્રીનશોટ સોશિયલ મીડિયા પ્લેટફોર્મ પર શેર કરી રહ્યો છું

માલદીવના રાષ્ટ્રપતિ મોહમ્મદ મુઈઝુની ભારતની સીધી માફી અમને કંઈક અંશે પરેશાન કરનારી હતી. તેથી આ મામલે મોહમ્મદ મુઈઝુનું એક્સ હેન્ડલ ચેક કરવામાં આવ્યું. જેમાં ક્યાંય મુઇઝુ દ્વારા માફી માંગતું ટ્વિટ ન હતું. તેમનું છેલ્લું ટ્વિટ 5 જાન્યુઆરીએ થયું હતું. જે મ્યુનિસિપલ કોર્પોરેશન સંબંધિત હતું. આ પછી, ગુગલ ઓપન સર્ચની મદદથી, મુઇઝુની માફી સાથે જોડાયેલા સમાચારને સર્ચ કર્યા. જોકે, ક્યાંય પણ આવા કોઈ સમાચાર મળ્યાં નથી. માત્ર માલદીવ સરકાર દ્વારા જારી કરાયેલી સ્પષ્ટતા મળી હતી. આવી સ્થિતિમાં લોકોને આ ભ્રામક ટ્વીટથી સાવધાન રહેવાની સલાહ આપવામાં આવે છે.