Wed,19 June 2024,1:00 am
Print
header

અમેરિકાના ઇડાહોમાં બે વાહનોની એકબીજા સાથે ભયંકર ટક્કર, અકસ્માતમાં 6 લોકોનાં મોત

અમેરિકાઃ ઇડાહોમાં એક ભયાનક માર્ગ અકસ્માત સર્જાયો છે, જ્યાં બે ફોર વ્હીલર્સ બેલેન્સ ગુમાવી દેતા એકબીજા સાથે અથડાઈ હતી. આ વાહનો અથડાતા 6 લોકોનાં મોત થયા હતા અને 10 લોકો ઘાયલ થયા હતા. બંને વાહનો વચ્ચેની ટક્કર એટલી જોરદાર હતી કે કારનો ભૂક્કો બોલાઇ ગયો હતો. આ અકસ્માતની જાણ થતા પોલીસ અને બચાવ ટીમો સાથે ઘટના સ્થળે પહોંચી ગઈ હતી.

ઇડાહો રાજ્ય પોલીસે એક નિવેદનમાં જણાવ્યું હતું કે, પીકઅપ વાહન અને વાન વચ્ચેની અથડામણ ઇડાહો ફોલ્સમાં યુએસ હાઇવે 20 પર સવારે 5:30 વાગ્યે થઈ હતી. ટક્કર એટલી જોરદાર હતી કે આ અકસ્માતમાં 6 લોકોનાં મોત થયા હતા અને 10 લોકો ઘાયલ થયા હતા. આ અકસ્માતમાં ઘાયલ થયેલા તમામ લોકોને સ્થાનિક હોસ્પિટલમાં દાખલ કરવામાં આવ્યાં છે. ઘણા ઘાયલોની હાલત ગંભીર છે. વાન ચાલક અને પાંચ મુસાફરોનું ઘટના સ્થળે જ મોત નીપજ્યું હતું.

અકસ્માતનું ચોક્કસ કારણ હજુ સુધી બહાર આવ્યું નથી. પોલીસે અકસ્માતના કારણોની તપાસ શરૂ કરી છે. નજીકના સીસીટીવીની તપાસ કરવામાં આવી રહી છે. જેથી ઘટનાનું કારણ જાણી શકાય. વાનમાં સવાર અન્ય નવ મુસાફરો અને પીકઅપ વાહનના ડ્રાઈવરને હોસ્પિટલમાં દાખલ કરવામાં આવ્યા છે. ઇડાહો સ્ટેટ પોલીસે આ અકસ્માત અંગે વધુ તપાસ હાથધરી છે.

અમારી મોબાઇલ એપ ડાઉનલોડ કરોઃ

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch