Thu,18 April 2024,10:25 pm
Print
header

પાકિસ્તાનમાં સ્થિતી બેફામ બની, ઈમરાન ખાનની ધરપકડ કરવા પહોંચેલી પોલીસ અને કાર્યકરો વચ્ચે અથડામણ

લાહોરઃ પાકિસ્તાનના પૂર્વ વડાપ્રધાન અને તહરીક-એ-ઈન્સાફ (પીટીઆઈ)ના અધ્યક્ષ ઈમરાન ખાનના નિવાસ સ્થાનની બહાર પોલીસ તેમની ધરપકડ કરવા માટે પહોંચી ગઈ છે. જેથી અહીં સ્થિતી તંગ બની હતી, ઇમરાન ખાનના સમર્થકોએ પોલીસ પર પથ્થરમારો કર્યો હતો, પાકિસ્તાનની ન્યૂઝ એજન્સી ડોનના જણાવ્યાં અનુસાર, બખ્તરબંધ પોલીસની એક ટીમ નિવાસસ્થાનની બહાર પહોંચી ગઈ છે, જે ગમે ત્યારે તેમની ધરપકડ કરી શકે છે. તોશાખાના કેસમાં ઇમરાન ખાન પર પહેલાથી જ કોર્ટમાં કેસ ચાલી રહ્યો હતો, હવે તેમના પર મહિલા જજ અને વરિષ્ઠ પોલીસ અધિકારીઓને ધમકાવવાનો આરોપ લાગ્યો છે. આ કેસમાં કોર્ટે બિનજામીનપાત્ર વોરંટ કાઢીને પોલીસને તેમની ધરપકડ કરવાનો આદેશ કર્યો છે. 

એક તરફ શેહબાઝ શરીફ સરકાર ઈમરાન ખાનને જેલમાં પૂરવા માટે એડીચોટીનું જોર લગાવી રહી છે, બીજી તરફ ઇમરાન ખાન સરકારને ઘેરી રહ્યાં છે. તેમણે મંગળવારે લાહોરમાં એક મોટી રેલી યોજીને સરકાર તેમજ ન્યાયતંત્રને પડકાર ફેંક્યો છે. પાકિસ્તાન તહરીક-એ-ઈન્સાફ (પીટીઆઈ) પાર્ટીના અધ્યક્ષ ઈમરાન ખાને આવતા રવિવારે બીજી મોટી રેલી યોજવાની જાહેરાત કરી છે. 19 માર્ચે લાહોરમાં મિનાર-એ-પાકિસ્તાનની સામે એક ઐતિહાસિક રેલી યોજાશે. જેમાં મોંઘવારી અને સરકારી નીતિનો જોરદાર વિરોધ કરાશે.

ઇમરાન ખાનની બે કેસમાં ધરપકડ કરવાના પ્રયાસો થઇ રહ્યાં છે. આમાંથી એક કેસ ન્યાયાધીશને ધમકી આપવાનો છે. બીજો તોશાખાના કેસ છે, આરોપ છે કે ઈમરાન ખાને વડાપ્રધાન તરીકે મળેલી ભેટસોગાદો વેચી દીધી હતી. ડિસ્ટ્રિક્ટ એન્ડ સેશન્સ કોર્ટના જજને ધમકાવવા બદલ ખાન સામે બિનજામીનપાત્ર વોરંટ પણ નીકળ્યું હતુ.

ઇમરાન ખાન જજની ધમકી અને તોશાખાના કેસમાં રૂબરૂ કોર્ટમાં હાજર થવાનું ટાળી રહ્યાં છે. તેમને વ્યક્તિગત હાજર રહેવામાંથી મુક્તિ આપવા માટે કોર્ટમાં અરજી કરી હતી. પરંતુ ઇસ્લામાબાદના સિવિલ જજે આ અરજીને ફગાવી દીધી છે. પોલીસને ઈમરાન ખાનને 29 માર્ચ પહેલા કોર્ટમાં રજૂ કરવાનો આદેશ આપ્યો છે. 

રાજનીતિના સમાચારો માટે આ લિંક પર ક્લિક કરો 

Politics | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો 

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch