બાઇડેને રશિયાને આપી ધમકી, જો યુક્રેન પર હુમલો થશે તો પુતિને ભારે કિંમત ચૂકવવી પડશે- Gujarat Post

વોશિંગ્ટન: યુએસ પ્રમુખ જો બાઇડેને કહ્યું છે કે તેઓ માને છે કે વ્લાદિમીર પુતિન યુક્રેનમાં સંપૂર્ણ યુદ્ધ ઇચ્છતા નથી. જો તેઓ લશ્કરી ઘૂસણખોરી સાથે આગળ વધશે તો તેની કિંમત ચૂકવવી પડશે,બાઇડેને બુધવારે પોતાના કાર્યકાળના એક વર્ષ પૂર્ણ થવા પર આયોજિત એક ન્યૂઝ કોન્ફરન્સમાં આ વાત કહી. તેમણે કહ્યું કે તેઓ માને છે કે રશિયા યુક્રેન પર કાર્યવાહી કરવાની તૈયારી કરી રહ્યું છે, પરંતુ તેમને નથી લાગતું કે પુતિને અંતિમ નિર્ણય લીધો છે.

જો રશિયા યુક્રેન પર હુમલો કરશે તો તે રશિયા માટે આફત હશે.અમારા સાથી અને સહયોગી દેશો રશિયા અને તેની અર્થવ્યવસ્થાને ભારે નુકસાન પહોંચાડવા માટે તૈયાર છે. બાઇડેને કહ્યું કે જો રશિયા યુક્રેન પર હુમલો કરશે તો તે આંતરરાષ્ટ્રીય બેંકિંગ સિસ્ટમમાં રશિયાની પહોંચને મર્યાદિત કરશે. મને ખાતરીપૂર્વક ખબર નથી કે તે શું કરવા જઈ રહ્યાં છે. મને લાગે છે કે તે અંદર જશે.' અમેરિકાના વિદેશ મંત્રી એન્ટની બ્લિંકનની યુક્રેનની મુલાકાતના કલાકો બાદ બાઇડેનનું નિવેદન આવ્યું છે. યુએસએ રશિયા પર યુક્રેનની સરહદ પર એક લાખથી વધુ સૈનિકો તૈનાત કરવાનો આરોપ લગાવ્યો છે. આ સાથે રશિયા એ પણ આયોજન કરી રહ્યું છે કે ટૂંક સમયમાં સૈનિકોની સંખ્યા બમણી કરી શકાય.

Russia will be held accountable if it invades Ukraine. It is going to be a disaster for Russia if it invades Ukraine. Our partner and allies are ready to impose severe costs and significant harm to Russia and its economy: US President Joe Biden pic.twitter.com/dGXCFUGQKY

— ANI (@ANI) January 19, 2022

રશિયા દાવપેચ માટે બેલારુસમાં સૈનિકો મોકલી રહ્યું છે

રશિયા દેશના સુદૂર પૂર્વ ભાગમાં તૈનાત સૈનિકોને એક મોટી કવાયત માટે બેલારુસ મોકલી રહ્યું છે. અધિકારીઓએ મંગળવારે આ માહિતી આપી.પશ્ચિમી દેશોમાં હુમલાની આશંકા વચ્ચે આ જમાવટથી યુક્રેન નજીક રશિયન સૈન્ય સાધનોની સંખ્યામાં વધારો થયો છે. રશિયાના ડેપ્યુટી ડિફેન્સ મિનિસ્ટર એલેક્ઝાન્ડર ફોમિને કહ્યું કે આ કવાયતનો હેતુ બાહ્ય ખતરાનો સામનો કરવા માટે રશિયન-બેલારુસ જોડાણ દ્વારા સંયુક્ત કવાયત હાથ ધરવાનો છે. બંને દેશો વચ્ચે ગાઢ રાજકીય, આર્થિક અને સૈન્ય સંબંધો છે. ફોમિને એ જણાવ્યું ન હતું કે કવાયત માટે કેટલા સૈનિકો અને શસ્ત્રો ફરીથી ગોઠવવામાં આવ્યા હતા.

રશિયાએ યુક્રેન પર હુમલો કરવાનો ઈરાદો નકારી કાઢ્યો

જો કે, યુક્રેનિયન અધિકારીઓએ ચેતવણી આપી છે કે રશિયા તેના સાથી બેલારુસના પ્રદેશ સહિત વિવિધ દિશામાંથી હુમલો કરી શકે છે.આ જમાવટથી યુક્રેનની ટેન્ક અને અન્ય ભારે શસ્ત્રો સાથે એક લાખ સૈનિકોની તાકાતમાં વધારો થશે. પશ્ચિમી દેશોને આશંકા છે કે આ આગોતરી તૈયારી હોઈ શકે છે. જો કે રશિયાએ યુક્રેન પર હુમલો કરવાનો કોઈ ઈરાદો નકારી કાઢ્યો છે, તેણે પશ્ચિમી દેશો પાસેથી બાંયધરી માંગી છે કે નાટો યુક્રેન અથવા અન્ય ભૂતપૂર્વ સોવિયેત દેશોમાં વિસ્તરણ કરશે નહીં અથવા તેના સૈનિકો અને શસ્ત્રો ત્યાં રાખશે નહીં. વોશિંગ્ટન અને તેના સાથીઓએ જિનીવામાં ગયા અઠવાડિયે રશિયા-યુએસ વાટાઘાટો અને બ્રસેલ્સમાં નાટો-રશિયા-સંબંધિત બેઠક દરમિયાન મોસ્કોની માંગણીઓને સખત રીતે નકારી કાઢી હતી.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu