નોટોનો ઢગલો જોઇને અધિકારીઓ ચોંકી ગયા, આ ધારાસભ્યના ઘરમાંથી મળ્યાં 10.90 કરોડ રૂપિયા રોકડા

Published By
gujaratpost.in
2023-01-12 22:12:23

કોલકત્તાઃ પશ્વિમ બંગાળમાં નેતાજીના ઘરેથી કરોડો રૂપિયાના બંડલ મળ્યાં છે, અગાઉ સીએમ મમતા બેનર્જીના મંત્રી પાસેથી કરોડો રૂપિયાની રોકડ મળી હતી, હવે ટીએમસીના ધારાસભ્ય જાકિર હુસૈનના ઘરે આઇટી વિભાગે દરોડા કરતા અહીંથી 10 કરોડ 90 લાખ રૂપિયાની રોકડ મળી છે.

મમતાના નજીકના ધારાસભ્ય પર સકંજો

હજુ મળી શકે છે બેનામી સંપત્તિ

ધારાસભ્યએ કહ્યું મારી પાસે બધી રકમનો છે હિસાબ

અધિકારીઓ આટલી મોટી રકમ જોઇને ચોંકી ગયા હતા, ઘરમાં જુદી જુદી જગ્યાએ રૂપિયાના બંડલ છુપાવવામાં આવ્યાં હતા. જેને ગણવા માટે મશીન મંગાવવા પડ્યાં હતા. તૃણમૃલ કોંગ્રેસ(TMC)ના મુર્શિદાબાદના ધારાસભ્ય જાકિર હુસૈનના ઘરે અને ફેક્ટરીમાં આઇટીએ તપાસ શરૂ કરી છે. જાકિર હુસૈન બીડી ઉત્પાદક છે અને તેઓ અનેક કંપનીઓમાં ભાગીદાર પણ છે. ટેક્સ ચોરી કરીને કરોડો રૂપિયા ભેગા કરનારા નેતાજી પર આઇટીએ સકંજો કસ્યો છે.