Tue,18 June 2024,10:43 am
Print
header

એરફોર્સના સમારોહમાં મંચ પર ગબડી પડ્યાં બાઇડેન, વીડિયો થયો વાયરલ- Gujarat Post

વોશિંગ્ટનઃ કોલોરાડોમાં યુએસ એરફોર્સ એકેડેમીમાં ગ્રેજ્યુએશન સમારોહ દરમિયાન રાષ્ટ્રપતિ જો બાઇડેન સ્ટેજ પર ગબડી પડ્યાં હતા. સર્ટિફિકેટ આપ્યાં પછી બાઇડેન આગળ વધતા હતા ત્યારે તેમનો પગ રેતીની થેલીમાં ફસાઈ ગયો અને તે ગબડી પડ્યાં. જો કે તરત જ તેમને એરફોર્સના અધિકારી તેમજ યુએસ સિક્રેટ સર્વિસના બે સભ્યો દ્વારા ઉભા કરવામાં આવ્યાં હતા.બાઇડેનના ગબડી પડવાનો વીડિયો સોશિયલ મીડિયા પર વાયરલ થયો હતો.

બાઇડેને સેવા આપવા પસંદ થયેલા યુએસ એરફોર્સ એકેડેમીના સ્નાતકોનો આભાર માન્યો હતો. તેમણે કહ્યું કે હવે દેશને એક નવી ટીમ મળી છે. વ્હાઇટ હાઉસે કહ્યું કે રાષ્ટ્રપતિ જો બાઇડેન ગબડી પડ્યા બાદ સ્વસ્થ છે. તેમણે જવાનોને અભિનંદન પાઠવ્યાં હતા અને પ્રમાણપત્રોનું વિતરણ કર્યું હતું. વ્હાઇટ હાઉસના સંચાર નિર્દેશક બેન લેબોલ્ટે ટ્વિટ કર્યું કે બિડેન સંપૂર્ણપણે ઠીક છે. હાથ મિલાવતી વખતે તે રેતીની થેલી સાથે અથડાઈને સ્ટેજ પર પડી ગયા હતા.

માહિતી અનુસાર, જે પ્લેટફોર્મ પર બાઇડેન ઉભા હતા તેની પાસે રેતીથી ભરેલી બેગ મૂકવામાં આવી હતી, જે વીડિયોમાં જોઈ શકાય છે. ઘટનામાંથી સ્વસ્થ થયા પછી, રાષ્ટ્રપતિ તેમની બેઠક પર પાછા ગયા હતા અને સમારંભ દરમિયાન ઉત્સાહિત દેખાતા હતા.

બાઇડેન 80 વર્ષના છે. આ પહેલા પણ ઠોકર ખાવા અને પડી જવાના સમાચાર સામે આવી ચૂક્યાં છે. ચાલુ વર્ષે ફેબ્રુઆરીમાં, બિડેન પ્લેનની સીડીઓ ચડતી વખતે ઠોકર ખાઈને પડી ગયા હતા.

રાજનીતિના સમાચારો માટે આ લિંક પર ક્લિક કરો 

Politics | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો 

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch