Sat,20 April 2024,9:39 pm
Print
header

પુતિનના વધુ એક દુશ્મનની હત્યા, રશિયન અધિકારીઓએ એલેક્સી નવલનીના મૃતદેહને સોંપવાનો કર્યો ઇનકાર

રશિયાઃ જેલમાં રાષ્ટ્રપતિ પુતિનના ટીકાકાર એલેક્સી નવલનીના મોત પછી જેલ સત્તાવાળાઓએ તેમના મૃતદેહને પરિવારને સોંપવાનો ઇનકાર કર્યો છે. નવલનીના સમર્થકોનો આરોપ છે કે રશિયન સરકારે જ નવલનીની હત્યા કરી છે અને હવે તેઓ માત્ર પુરાવાનો નાશ કરવા માટે મૃતદેહ સોંપી રહ્યાં નથી.

પશ્ચિમી દેશોએ પુતિન સરકાર પર આરોપ લગાવ્યો

રશિયાની સૌથી ખતરનાક અને કડક જેલ પૈકીની એક આર્કટિક જેલમાં 47 વર્ષીય એલેક્સી નવલનીનું ગયા શુક્રવારે મોત થયું હતું. નવલની છેલ્લા ત્રણ વર્ષથી જેલમાં હતા. નવલનીના મોત પછી પશ્ચિમી દેશોના નેતાઓએ તેની આકરી ટીકા કરી અને તેમના મોત રાષ્ટ્રપતિ પુતિનને જવાબદાર ઠેરવ્યાં છે. શનિવારે નવલની માતા તેમના વકીલ સાથે નવલનીનો મૃતદેહ લેવા માટે આર્ક્ટિક જેલમાં પહોંચ્યાં હતા, પરંતુ જેલ સત્તાવાળાઓએ મૃતદેહ સોંપવાનો ઇનકાર કર્યો હતો.

રશિયામાં વિવિધ સ્થળોએ પોલીસ અને સમર્થકો વચ્ચે અથડામણ થઈ

નવલનીના સમર્થકોએ સોશિયલ મીડિયા પર શેર કરેલી પોસ્ટમાં લખ્યું છે કે સરકાર પુરાવાનો નાશ કરવા માંગે છે અને તેથી જ તેઓ મૃતદેહને સોંપી રહ્યાં નથી. રશિયામાં નવલનીના મૃત્યું બાદ તેમના સમર્થકો પણ વિરોધ કરી રહ્યાં છે. શનિવારે ઘણી જગ્યાએ પોલીસ સાથે અથડામણના  બનાવો બન્યાં હતા અને પોલીસે 30 થી વધુ શહેરોમાં 340 થી વધુ લોકોની ધરપકડ કરી હતી. રાજધાની મોસ્કોમાં પણ પ્રદર્શનકારીઓની  ધરપકડ કરવામાં આવી છે. નવલનીના સમર્થકોએ તેમના માનમાં શ્રદ્ધાંજલિ સભાઓનું આયોજન કર્યું હતું.

કોન્ફરન્સ દરમિયાન નવલનીની પત્નીએ પુતિન સરકાર પર આરોપ લગાવ્યો અને કહ્યું કે પુતિને જવાબ આપવો પડશે અને નવલનીની મોતની સજા ભોગવવી પડશે. નવલનીની પત્ની યુલિયાએ પશ્ચિમી દેશોને પુતિન સામે એક થવાની અપીલ કરી હતી. રશિયન નોબેલ પારિતોષિક વિજેતા દિમિત્રી મુરાટોવે જણાવ્યું કે નવલનીની હત્યા કરાઇ છે અને છેલ્લા ત્રણ વર્ષથી તેમને જેલમાં ત્રાસ આપવામાં આવતો હતો.

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો

Gujarat Post News | Gujaratpost | Gujaratpostnews | Gujarati news webportel| Gujarati news website

રાજનીતિના સમાચારો માટે આ લિંક પર ક્લિક કરો 

Politics | Gujarat Post

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch