ટોરેન્ટોઃ ખાલિસ્તાની આતંકવાદી હરદીપ સિંહ નિજ્જરની હત્યાના આરોપમાં કેનેડામાં ધરપકડ કરાયેલા ત્રણ યુવકોમાંથી એક સ્ટુડન્ટ વિઝા પર કેનેડા ગયો હતો. કેનેડિયન મીડિયાએ એક વીડિયો જાહેર કર્યો છે, જેમાં એક આરોપી કરણ બ્રાર કહેતો જોવા મળી રહ્યો છે કે તે સ્ટડી વિઝા પર કેનેડા આવ્યો હતો અને તેને કેનેડાના વિઝા મળવામાં વધુ સમય પણ લાગ્યો ન હતો.
કરણ બ્રારનો વીડિયો વર્ષ 2019નો હોવાનું કહેવાય છે. કરણે એથિકવર્કસ ઈમિગ્રેશન સર્વિસિસ, ભટિંડા દ્વારા વિઝા માટે અરજી કરી હતી. આ વીડિયો ઈમિગ્રેશન સેવાઓ આપતી એજન્સીના પ્રચાર માટે બનાવવામાં આવ્યો હતો. આ એજન્સી ભટિંડાના કોટકપુરા વિસ્તારમાં આવેલી છે. કરણના આ વીડિયોને લઈને કેનેડા સરકાર મુશ્કેલીમાં છે. મીડિયાએ કેનેડાના ઈમિગ્રેશન મિનિસ્ટર માર્ક મિલરને આ વિશે પૂછ્યું, પરંતુ તેમણે જવાબ આપવાનો ઈન્કાર કર્યો.
કરણ બ્રારના એક કથિત ફેસબુક પેજ પર આપવામાં આવેલી માહિતી અનુસાર, તેણે 30 એપ્રિલ, 2020 ના રોજ બો વેલી કોલેજ, કેલગરીમાં અભ્યાસ શરૂ કર્યો અને 4 મે, 2020 ના રોજ એડમોન્ટન શિફ્ટ થયો. કેનેડિયન મીડિયાએ ડિપાર્ટમેન્ટ ઓફ ઈમિગ્રેશન, રેફ્યુજીસ અને સિટીઝનશિપને કરણ અંગે પ્રશ્નો પૂછ્યા હતા, પરંતુ હજુ સુધી વિભાગો દ્વારા કોઈ જવાબ આપવામાં આવ્યો નથી. ત્રણેય આરોપી યુવકોને બ્રિટિશ કોલંબિયાના સરેની કોર્ટમાં રજૂ કરવામાં આવ્યાં હતા. દરમિયાન મોટી સંખ્યામાં શીખ સમુદાયના લોકો પણ હાજર હતા, જેમાં કેટલાક ખાલિસ્તાનીઓએ ભારત વિરોધી નારા પણ લગાવ્યાં હતા.
ખાલિસ્તાની આતંકવાદી હરદીપ સિંહ નિજ્જરની ગયા વર્ષે સરેમાં ગુરુદ્વારાની બહાર ગોળી મારીને હત્યા કરવામાં આવી હતી. નિજ્જરને ભારતમાં આતંકવાદી જાહેર કરવામાં આવ્યો હતો. આ મામલે ભારત અને કેનેડા વચ્ચેના સંબંધોમાં તિરાડ પડી છે. કેનેડાના પીએમ જસ્ટિન ટ્રુડોએ ભારત પર નિજ્જરની હત્યાનો આરોપ લગાવ્યો છે. જો કે, ભારત સરકારે ટ્રુડોના દાવાને વાહિયાત ગણાવીને ફગાવી દીધો હતો. ગયા અઠવાડિયે જ કેનેડાએ નિજ્જરની હત્યાના આરોપમાં ત્રણ ભારતીય નાગરિકોની ધરપકડ કરી હતી.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
ટ્રમ્પ શાસનમાં 20 હજાર ભારતીયો પેપર્સ વગર અટવાયા... ફાઇનલ હટાવવાનો આદેશ આવવાનો છે | 2025-01-22 14:59:10
અમદાવાદ એરપોર્ટ પરથી 7 કરોડનું ડ્રગ્સ ઝડપાયું, ચાર દિવસમાં બીજી ઘટના - Gujarat Post | 2025-01-22 14:33:12
કર્ણાટકમાં ફળ-શાકભાજી વેચવા જતી ટ્રક ખીણમાં ખાબકી, 10 લોકોનાં મોત - Gujarat Post | 2025-01-22 11:59:29
તુર્કીના રિસોર્ટમાં ભીષણ આગ, અત્યાર સુધીમાં 66 લોકોનાં મોત, લોકો ડરના કારણે બારીમાંથી કૂદી પડ્યાં | 2025-01-21 20:28:51
ગૌતમ અદાણી મહાકુંભમાં, CM ભૂપેન્દ્ર પટેલ આ તારીખે લગાવશે આસ્થાની ડૂબકી - Gujarat Post | 2025-01-21 11:40:26
શપથ લેતા જ ટ્રમ્પના 10 મોટા નિર્ણય, બ્રિક્સને ધમકી, WHOની બહાર થયું અમેરિકા, થર્ડ જેન્ડર અને ઇમિગ્રેશન મામલે મોટી જાહેરાત | 2025-01-21 09:50:01
યુક્રેનમાં યુદ્ધ ખતમ કરીને ત્રીજું વિશ્વ યુદ્ધ થતું અટકાવીશ, શપથગ્રહણ પહેલા ડોનાલ્ડ ટ્રમ્પનો દાવો | 2025-01-20 10:06:48
યુદ્ધનો અંત ! ઇઝરાયલે 90 પેલેસ્ટાઈન કેદીઓને મુક્ત કર્યા, હમાસે પણ 3 ને છોડ્યાં | 2025-01-20 09:47:20
મુંબઈ પોલીસે સૈફ પર હુમલાના આરોપીને સાથે રાખી ક્રાઈમ સીન રિક્રિએટ કર્યો, જુઓ વીડિયો | 2025-01-21 11:02:04
Copyright © 2018-2024 Gujarat Post News.
Whatsapp
