પૂર, દુષ્કાળ અને ચક્રવાત..આબોહવાની આપત્તિ વિશ્વમાં આર્થિક સંકટ લાવી રહી છે, યુએને વિશ્વને આપી મોટી ચેતવણી

UN on Golbal Warming: યુએન સેક્રેટરી-જનરલ એન્ટોનિયો ગુટેરેસે ચેતવણી આપી હતી કે વિશ્વમાં આબોહવા સંકટ નિયંત્રણની બહાર થઈ રહ્યું છે. જળવાયુ સંકટ એ આર્થિક આફતો છે. યુએનના વડાએ વિકસિત દેશોને તેમના નાણાંકીય વચનો પૂરા કરવા વિનંતી કરી હતી. કહ્યું કે નાણાંમંત્રી તરીકે તમે આ બધું સારી રીતે જાણો છો. વાવાઝોડું, પૂર, આગ અને દુષ્કાળ વિશ્વભરની અર્થવ્યવસ્થાને ઝડપથી નષ્ટ કરી રહ્યું છે.

સંયુક્ત રાષ્ટ્રના મહાસચિવ એન્ટોનિયો ગુટેરેસ જળવાયુ આપત્તિ પર નાણાંમંત્રીઓની 11મી મંત્રી સ્તરીય બેઠકમાં પહોંચ્યાં હતા. આ સમયે ગુટેરેસે ચેતવણી આપી હતી કે જે પૈસા રસ્તાઓ બનાવવા, બાળકોને શિક્ષિત કરવા અને બીમારોની સારવાર માટે વાપરવા જોઈએ, તે આબોહવાનું સંકટ ઝડપથી ગળી રહ્યું છે.

અર્થશાસ્ત્રીઓ વેરા સોંગવે અને નિકોલસ સ્ટર્ન દ્વારા સહ-અધ્યક્ષતા ધરાવતા ક્લાયમેટ ફાઇનાન્સ પરના સ્વતંત્ર ઉચ્ચ-સ્તરના નિષ્ણાત જૂથે અહેવાલ આપ્યો છે કે બહુપક્ષીય વિકાસ બેંકોના સુધારાથી વાર્ષિક ક્ષમતામાં 40% (લગભગ $300-400 બિલિયન) નો વધારો થઈ શકે છે. આ સમય દરમિયાન ગુટેરેસે તમામ દેશોને તેમની આબોહવા યોજનાઓ સુધારવા માટે કહ્યું છે. તેમણે કહ્યું કે વૈશ્વિક તાપમાનમાં વધારો 1.5 ડિગ્રી સેલ્સિયસ સુધી મર્યાદિત કરીને આપણે હજુ પણ સૌથી ખરાબ આબોહવા સંકટને ટાળી શકીએ છીએ. પરંતુ જો આપણે હવે કાર્ય ઝડપથી શરૂ કરીએ તો જ અને તમામ દેશો રાષ્ટ્રીય સ્તરે નિર્ધારિત યોગદાન સાથે આગળ આવે.

અમને આ વર્ષે COP-29 થી મજબૂત નાણાંકીય પરિણામની જરૂર છે. આપણે બહુપક્ષીય વિકાસ બેંકોના નાણાંકીય સાધનો, પર્યાપ્ત કેપિટલાઇઝેશન અને બિઝનેસ મોડલને સુધારવાની જરૂર છે, જેથી તેમની ધિરાણ ક્ષમતા વધારી શકાય અને વધુ ખાનગી ફાઇનાન્સ એકત્ર કરી શકાય.

નાના દેશો પર બોજ વધ્યો - ગુટેરેસ

ગુટેરેસે જણાવ્યું હતું કે, 2009માં કોપનહેગનમાં 15મી UNFCCC કોન્ફરન્સમાં વિકસિત દેશોએ વિકાસશીલ દેશોમાં આબોહવાની કાર્યવાહી માટે 2020 સુધીમાં દર વર્ષે $100 બિલિયન એકત્ર કરવાના સામૂહિક લક્ષ્યાંક નક્કિ કર્યું હતુ. ઓર્ગેનાઈઝેશન ફોર ઈકોનોમિક કો-ઓપરેશન એન્ડ ડેવલપમેન્ટ (OECD) એ ગયા વર્ષે જણાવ્યું હતું કે 2009માં COP15 ક્લાઈમેટ એગ્રીમેન્ટ મુજબ 2023 સુધીમાં $100 બિલિયનની સપ્લાય થવાની અપેક્ષા હતી, પરંતુ વિકાસશીલ દેશોના પક્ષો અનુસાર, આ હજુ સુધી વિતરિત કરવામાં આવ્યું નથી. મોટા ભાગના પૈસા ભંડોળના નહીં પણ લોનના રૂપમાં આવ્યાં છે, જેના કારણે નાના દેશો પર દેવાનો બોજ વધ્યો છે.

યુનિવર્સિટી ઓફ ઓક્સફોર્ડના ભૌતિકશાસ્ત્ર વિભાગના ક્લાયમેટ સાયન્સના વડા પ્રોફેસર માઈલ્સ એલને ચેતવણી આપી હતી કે જીઓ-એન્જિનિયરિંગ સહિત ગ્લોબલ વોર્મિંગને રોકવા માટેના કેટલાક અભિગમો ભૌગોલિક રાજકીય સ્થિરતા માટે ખતરો બની શકે છે. આપણે અત્યારે જે સ્તર પર છીએ ત્યાં અશ્મિભૂત ઇંધણ પર સતત નિર્ભરતા આબોહવાની અસ્થિરતામાં વધારો કરશે. આમ હવે દુનિયા માટે ગ્લોબલ વોર્મિંગ મોટી સમસ્યા બની રહ્યું છે.

સૌથી ઝડપી સમાચારો માટે આ લિંક પર ક્લિક કરો

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post

ગુજરાતના લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

રાજનીતિના સમાચારો માટે આ લિંક પર ક્લિક કરો 

Politics | Gujarat Post