AAP ના નેતા રેશ્મા પટેલ લગ્નના તાંતણે બંધાયા, ગોંડલના ચિંતન સોજીત્રા સાથે કર્યાં લગ્ન

Published By
gujaratpost.in
2023-08-20 09:10:57

પાટીદાર અનામત આંદોલન દરમિયાન મોટો ચહેરો બનેલા રેશ્મા પટેલે ગોંડલના ચિંતન સોજીત્રા સાથે લગ્ન કર્યાં

રેશ્મા પટેલ સક્રિય રાજકારણમાં વધી રહ્યાં છે આગળ

રાજકોટઃ ગુજરાત આમ આદમી પાર્ટીમાં મહિલા વિંગમાં મહત્વની જવાબદારી સંભાળતા અને પાટીદાર અનામત આંદોલન દરમિયાન મોટો ચહેરો બનેલા રેશ્મા પટેલે ગોંડલના ચિંતન સોજીત્રા સાથે લગ્ન કર્યાં છે. રેશ્માએ ચિંતન સાથે જૂનાગઢની હેડક્વાર્ટર સબ રજિસ્ટ્રાર કચેરીમાં લગ્નની નોંધણી કરાવી છે. તેમને સોશિયલ મીડિયામાં પોતાના સમર્થકોને આ ખુશીના સમાચાર આપ્યાં છે. જેમાં તેમણે પતિ પ્રત્યેનો પ્રેમ વ્યક્ત કરીનેે ખુશી વ્યક્ત કરી છે.

રેશ્મા પટેલે સોશિયલ મીડિયામાં કરેલી પોસ્ટમાં લખ્યું છે કે, 'સુર્યોદયે તો સૌ કોઈ સાથ આપે સાચું સુખ તો ત્યારે આવે ત્યારે આથમતી સાંજે હું થાકુંને તું હાથ આપે. આમ આદમી પાર્ટીના નેતા અને પાર્ટીમાં આપ ગુજરાત વુમન વિંગ્સના અધ્યક્ષ તરીકેની જવાબદારી સંભાળતા રેશ્મા પટેલને તેમના સમર્થકો દ્વારા શુભેચ્છાઓ પાઠવવામાં આવી રહી છે. આગામી સમયમાં લોકસભાની ચૂંટણી આવી રહી છે ત્યારે રેશ્મા પટેલ હવે તેની તૈયારીઓમાં લાગશે.