ઉત્તરપ્રદેશઃ હાથરસમાં સત્સંગ દરમિયાન થયેલી નાસભાગમાં 121 લોકોનાં મોત બાદ ચર્ચામાં આવેલા નારાયણ હરિ બાબા ઉર્ફે ભોલે બાબાના ઘેરા રહસ્યો એક પછી એક ખુલી રહ્યાં છે. નારાયણ હરિ બાબાનું સાચું નામ સૂરજપાલ સિંહ છે. રાજ્યમાં મહેસૂલ વિભાગની ટીમે તેના તમામ આશ્રમો અને જમીનોની તપાસ શરૂ કરી છે. રેવન્યું ટીમે મૈનપુરી સહિત વિવિધ જિલ્લાઓમાં દસ્તાવેજોની તપાસ કર્યાં બાદ બાબાની વાસ્તવિકતા સામે આવી છે. ભોલે બાબા પર જમીન હડપ કરવાના અનેક આરોપો છે.
જમીન પર ગેરકાયદે કબ્જો કરવાનો આરોપ
નારાયણ હરિ બાબા ઉર્ફે ભોલે બાબાના સાકર વિશ્વહારી ગ્રુપ પર કાનપુરના બિધનુ પોલીસ સ્ટેશન વિસ્તારના કરસુઈ ગામમાં 5 થી 7 વીઘા જમીન પર ગેરકાયદે કબ્જો કરવાનો આરોપ છે. આગ્રામાં દવા અને ચમત્કારિક સારવાર કેસમાં બાબા વિરુદ્ધ કેસ નોંધવામાં આવ્યો હતો.
આગ્રામાં કેસ નોંધવામાં આવ્યો હતો
વર્ષ 2000માં આગ્રાના શાહગંજ પોલીસ સ્ટેશનમાં ભોલે બાબા વિરુદ્ધ ઢોંગ કરવાનો કેસ નોંધવામાં આવ્યો હતો. જેમાં બાબા ભોલે સહિત 7 લોકોને આરોપી બનાવવામાં આવ્યાં હતા. આ કેસમાં શરૂઆતમાં કોર્ટમાં ચાર્જશીટ દાખલ કરવામાં આવી હતી, બાદમાં 2 ડિસેમ્બર 2000ના રોજ આ કેસમાં ફરિયાદ દાખલ કરવામાં આવી હતી. આ મામલો 18 માર્ચ 2000 ના રોજ બન્યો હોવાનું જાણવા મળ્યું છે.
શાહગંજ પોલીસ સ્ટેશનમાં તેને દાવો કર્યો હતો કે તેણે કોઈ ચમત્કાર કરીને એક મૃત છોકરી સ્નેહલતાને જીવિત કરી છે. આ જોવા માટે વિસ્તારમાં ભારે ભીડ એકઠી થઈ ગઈ હતી અને હંગામા બાદ પોલીસે લાઠીચાર્જ કરવો પડ્યો હતો. આ મામલામાં ભોલે બાબા સામે દવા અને ચમત્કારિક સારવાર સહિતની કલમો હેઠળ કેસ નોંધવામાં આવ્યો હતો.
બાબા નોઈડા આવ્યાં હતા
નોઈડાના સેક્ટર 87ના અલ્લાહબાસ ગામમાં 2022 માં નારાયણ સાકર હરિ ઉર્ફે ભોલે બાબા લગભગ એક મહિનાના રોકાણ પર આવ્યાં હતા. પરંતુ કોઈને દર્શન આપ્યાં ન હતા. બાબા જ્યાં રોકાયા હતા તે ઘરે નોઈડા પોલીસની ટીમ પણ પહોંચી ગઈ હતી. બાબા જે ઘરમાં રોકાયા હતા ત્યાંથી તેમના પોસ્ટર તોડી નાખવામાં આવ્યાં છે.
અમારી મોબાઇલ એપ ડાઉનલોડ કરોઃ
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
અમદાવાદના વેજલપુરના PSI રૂ.80 હજારની લાંચ લેતા ACB ના હાથે ઝડપાયા | 2024-10-27 11:14:17
UP News: કાનપુરમાં જીમ ટ્રેનર મહિલાની હત્યા બાદ DM બંગલા પાસે દાટી લાશ, 4 મહિના બાદ ખૂલ્યું રહસ્ય- Gujarat Post | 2024-10-27 11:02:51
Vadodara Crime News: યુવકે મહિલા પર દુષ્કર્મ કરી પેશાબ પીવડાવ્યો હતો, કોર્ટે ફટકારી આવી સજા- Gujarat Post | 2024-10-27 10:51:27
ACB ટ્રેપમાં સરકારી બાબુની દિવાળી બગડી, રાજુલાના રેન્જ ફોરેસ્ટ ઓફિસરે રૂ.10 લાખ રૂપિયાની માંગી હતી લાંચ | 2024-10-27 09:07:49
કેનેડાના ટોરોન્ટોમાં ભયાનક માર્ગ અકસ્માતમાં ચાર ગુજરાતીઓનાં મોત, બોરસદના પૂર્વ ધારાસભ્યના ભત્રીજાનું પણ મોત | 2024-10-26 11:36:54
લોરેન્સના ભાઈ અનમોલ બિશ્નોઈ પર ભીંસાયો ગાળિયો, રૂ. 10 લાખનું ઈનામ કરવામાં આવ્યું જાહેર- Gujarat Post | 2024-10-25 09:49:25
Cyclone Dana: ઓડિશાના ભદ્રક જિલ્લામાં વાવાઝોડું દાનાની અસર થઈ શરૂ, તીવ્ર પવન ફૂંકાવાની શરૂઆત- Gujarat Post | 2024-10-24 10:15:12
વાવાઝોડા દાનાની દહેશતથી ઓડિશા-બંગાળમાં સ્કૂલો બંધ, 150થી વધુ ટ્રેનો રદ્દ- Gujarat Post | 2024-10-23 09:25:50
બંગાળની ખાડીમાં સર્જાયેલું લો પ્રેશર આ રાજ્યમાં મચાવી શકે છે તબાહી, સ્કૂલ-કોલેજો બંધ કરાઇ- Gujarat Post | 2024-10-22 09:31:39
Iran Isreal War- ઈરાન પર આક્રમણ માટે ઈઝરાયેલે ઉતાર્યા 100 વૉર પ્લેન- Gujarat Post | 2024-10-26 09:20:17