હોલીવુડને લાગ્યો ઝટકો, બ્લેક પેન્થર ફેમ સ્ટંટમેન તારાજા રામસેસનું ત્રણ બાળકો સહિત અકસ્માતમાં મોત

Published By
gujaratpost.in
2023-11-08 08:15:54

અમેરિકાઃ માર્વેલ સિનેમેટિક યુનિવર્સ અને બ્લેક પેન્થર ફેમ સ્ટંટમેન તારાજા રામસેસનું એટલાન્ટામાં એક કાર અકસ્માતમાં દુઃખદ અવસાન થયું છે. આ સમાચારથી હોલિવુડ ઈન્ડસ્ટ્રીને ઝટકો લાગ્યો છે.આ અકસ્માતે તારાજા રામસેસ સહિત ત્રણ બાળકોના મોત થયા છે. તારાજા રામસેસની કાર તૂટેલા ટ્રેક્ટર ટ્રોલી સાથે અથડાતાં આ ઘટના બની હતી.

આ અકસ્માતમાં 41 વર્ષના સ્ટંટમેનની સાથે તેની 13 વર્ષની પુત્રી, 10 વર્ષનો પુત્ર અને નવજાત બાળકનું મોત થયું હતું. તારાજા રામસેસની માતા અકીલી રામસેસે સોશિયલ મીડિયા દ્વારા આ માહિતી આપી છે. અકિલીએ તેના ઇન્સ્ટાગ્રામ એકાઉન્ટ પર તેના પુત્ર તારાજા રામસેસ સાથે પોતાનો એક ફોટો શેર કરીને તેના મૃત્યુંના સમાચાર શેર કર્યાં હતા.

માતાએ આ ફોટો શેર કરતી વખતે તેણે લખ્યું - 'મારો સુંદર, પ્રેમાળ, પ્રતિભાશાળી પુત્ર તારાજા, મારા બે પૌત્રો, તેમની 13 વર્ષની પુત્રી સુંદરી અને તેમની 8 અઠવાડિયાની નવજાત પુત્રી ફુજીબોનું ગઈકાલે રાત્રે એક ભયાનક માર્ગ અકસ્માતમાં મૃત્યું થયું છે. આ સમાચાર સામે આવ્યાં બાદ તારાજા રામસેસનો આખો પરિવાર આઘાતમાં સરી પડ્યો છે, બીજી તરફ સમગ્ર ઈન્ડસ્ટ્રીને આંચકો લાગ્યો છે.

રામસેસ માત્ર માર્વેલ સિનેમેટિક યુનિવર્સ (MCU)માં તેમના અદ્ભભૂત સ્ટંટ વર્ક માટે જાણીતા ન હતા, પરંતુ તેમણે એવેન્જર્સ: એન્ડગેમ અને બ્લેક પેન્થર: વાકાંડા ફોરએવર જેવી બ્લોકબસ્ટર ફિલ્મોમાં તેમના કામ સાથે કાયમી છાપ પણ છોડી હતી.