પિત્ઝા પ્રેમીઓ આ વાંચી લેજો....અમદાવાદમાં આ રેસ્ટોરન્ટમાં ગ્રાહકને અપાયા વંદા વાળા પિત્ઝા !

Published By
gujaratpost.in
2023-09-22 13:09:45

અમદાવાદઃ પિત્ઝા પ્રેમીઓએ સાવચેત થઇ જવાની જરુર છે, હવે કેટલીક રેસ્ટોરન્ટ તમને એવો ખોરાક આપી રહી છે, જેનાથી તમારું આરોગ્ય બગડી શકે છે. આ વખતે જાણીતી બ્રાન્ડ લાપિનોઝ પિત્ઝામાં ગયેલા કેટલાક યુવકોને કડવો અનુભવ થયો છે, તેમને અહીં એવા પિત્ઝા આપવામાં આવ્યાં જેમાંથી વંદા નીકળ્યાં હતા. આ જોઇને ગ્રાહક ચોંકી ગયા હતા અને તેમને તરજ ત સ્ટોરના મેનેજરને આ બાબતે ફરિયાદ કરી હતી. ગ્રાહકના કહેવા પ્રમાણે તેમને એક મોટો અને એક નાનો પિત્ઝા મંગાવ્યો હતો, નાના પિત્ઝાનું બોક્સ જેવું ખોલ્યું કે તેમાંથી તરત જ 8 જેટલા વંદા નીકળ્યાં હતા.

એલિસબ્રિજમાં આવેલી લાપિનોઝ રેસ્ટોરન્ટનો આ બનાવ શહેરના આરોગ્ય વિભાગ પાસે પહોંચ્યો હતો, જેથી આરોગ્ય વિભાગે આ રેસ્ટોરન્ટને દંડની કાર્યવાહી કરી હતી. જો કે આવી રેસ્ટોરન્ટ સામે કડક કાર્યવાહીની જરુર છે જે લોકોના આરોગ્ય સાથે ચેડાં કરી રહી છે.

ગુજરાત કોલેજ પાછળ આવેલા લાપિનોઝ પિઝામાં 5 મિત્રો ગયા હતા અને તેમની સાથે આ બનાવ બન્યો હતો. ત્યારે તમે પણ સાવચેત થઇ જાજો, તમને પણ રેસ્ટોરન્ટ આવો અખાદ્ય ખોરાક આપે છે તો તમે પણ તેની સામે ફરિયાદ કરી શકો છો.