Wed,10 August 2022,7:45 am
Print
header

હે ભગવાન....કોઇએ ખેતરમાં દાટી દીધી હતી આ નવજાત બાળકીને, મજૂર મહિલાએ બચાવી લીધો તેનો જીવ-Gujaratpost

ખેતરમાં દાટેલી નવજાત બાળકી જીવતી મળી 

ગાંભોઈમાં આવેલા GEB પાસેના એક ખેતરમાંથી જમીનમાં દાટેલી નવજાત બાળકી મળી

માસૂમ બાળકીને હાલ હિંમતનગર સિવિલમાં સારવાર અર્થે ખસેડાઈ

સાબરકાંઠાઃ હિંમતનગર તાલુકાના ગાંભોઈમાં આવેલા GEB પાસેના એક ખેતરમાંથી જમીનમાં દાટેલી નવજાત બાળકી મળી આવી છે. નવજાત બાળકી જીવિત મળી આવી છે. બાળકી જીવતી મળી આવતા લોકો અહીં ભેગા થઇ ગયા હતા. સ્થાનિકોએ તાત્કાલિક 108ને જાણ કરી હતી અને તરત જ માસૂમ બાળકીને હિંમતનગર સિવિલમાં સારવાર અર્થે ખસેડાઈ છે.

હિંમતનગર તાલુકાના ગાંભોઈમાં આવેલા GEB પાસેના હિતેન્દ્રસિંહના ખેતરમાં મજૂર મહિલાને માટીમાં કાંઈક હલતું દેખાતાં તેણે બુમાબુમ કરતા આજુબાજુના લોકો દોડી આવ્યાં હતા. ત્યાં ખોદતાં જમીનમાંથી નવજાત બાળકી મળી આવી હતી. જીવિત નવજાત શિશુને 108 મારફતે હિંમતનગર સિવિલમાં સારવાર અર્થે ખસેડાયું હતું. પોલીસને જાણ કરાતાં પોલીસ ઘટના સ્થળે દોડી ગઈ હતી અને કાર્યવાહી હાથ ધરી હતી.

108 એમ્બ્યુલન્સમાં બાળકીની સારવાર શરૂ કરાઈ હતી અને BVM દ્વારા કૃત્રિમ શ્વાસ આપી નવજીવન આપવામાં આવ્યું હતું, આ અંગે ગાંભોઇ પોલીસ સ્ટેશનના પીએસઆઈ સી.એફ.ઠાકોરે જણાવ્યું કે જીઈબી પાસેના હિતેન્દ્રસિંહના ખેતરમાં નવજાત જીવત શિશુ મળી આવ્યું હતું, જેને સારવાર અર્થે ખસેડવામાં આવ્યું છે અને તપાસ હાથ ધરવામાં આવી છે. આ નવજાત જીવિત શિશુને બહાર કાઢી તેની હિંમતનગર સિવિલમાં સારવાર શરૂ કરાઈ છે. હાલમાં તપાસ થઇ રહી છે કે આ બાળકીના માતા-પિતા કોણ છે અને કોણ તેને જીવીત હાલતમાં આવી રીતે દાટી ગયું હતુ.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch