Thu,18 July 2024,2:08 pm
Print
header

G-20 સમિટઃ મોદી-બાઈડેન વચ્ચે થઈ દ્વિપક્ષીય બેઠક, WTO વિવાદનો આવ્યો ઉકેલ- Gujarat Post

નવી દિલ્હીઃ અમેરિકી રાષ્ટ્રપતિ જો બાઇડેન G-20 સમિટમાં ભાગ લેવા ભારત આવ્યાં છે. તેમણે દિલ્હીમાં G-20 સમિટ દરમિયાન વડાપ્રધાન નરેન્દ્ર મોદી સાથે દ્વિપક્ષીય બેઠક યોજી હતી.બંને નેતાઓએ દ્વિપક્ષીય વાટાઘાટોમાં અંતરિક્ષ ક્ષેત્રમાં સહયોગ વધારવા પર ભાર મૂક્યો હતો. ઉપરાંત બેઠકમાં જો બાઇડેને UNSC માટે ભારતની ઉમેદવારીનું સ્વાગત કર્યું હતું. બંને નેતાઓ વચ્ચે દ્વિપક્ષીય વાટાઘાટોના સંદર્ભમાં એક સંયુક્ત નિવેદન પણ બહાર પાડવામાં આવ્યું છે, જેમાં બંને નેતાઓએ યુએસ નૌકાદળની અસ્કયામતો માટે જાળવણી અને સમારકામ કેન્દ્ર તરીકે ભારતના ઉદભવ અને ભારતીય શિપયાર્ડ્સ સાથે માસ્ટર શિપ રિપેર એગ્રીમેન્ટ્સનું સ્વાગત કર્યું હતું.

ભારત અને અમેરિકાએ વર્લ્ડ ટ્રેડ ઓર્ગેનાઈઝેશન (WTO)માં તેમની વચ્ચેના છેલ્લા વિવાદનું સમાધાન પણ કરી લીધું છે. આ વિવાદ મરઘાં ઉત્પાદનોને લગતો છે. રાષ્ટ્રપતિ જો બાઇડેન અને વડાપ્રધાન નરેન્દ્ર મોદી વચ્ચે દ્વિપક્ષીય વાતચીત બાદ બંને દેશોએ સંયુક્ત નિવેદનમાં આ જાહેરાત કરી હતી. આ સાથે, બંને દેશોએ પરસ્પર સહમતિથી WTOમાં તેમના તમામ સાત વિવાદોનું સમાધાન કર્યું છે. જૂન, 2023માં છ વિવાદોના સમાધાન બાદ હવે તેનું સમાધાન થઈ ગયું છે. જૂનમાં પીએમ મોદીની અમેરિકા મુલાકાત દરમિયાન છ વિવાદો ખતમ કરવાની જાહેરાત કરવામાં આવી હતી.ત્યારે ભારતે અમેરિકાની કેટલીક કૃષિ પેદાશો પર ટેક્સ નાબૂદ કરવાની જાહેરાત કરી હતી. હવે, સાતમા વિવાદના નિરાકરણ પછી, ભારતે યુએસથી ફ્રોઝન ટર્કી, ફ્રોઝન ડક, ફ્રેશ, ફ્રોઝન અને ડ્રાય બ્લૂબેરી અને ક્રેનબેરીની આયાત પર ટેક્સ નાબૂદ કરવાની મંજૂરી આપી છે.

ગત મહિને અમેરિકાના વેપાર પ્રતિનિધિ કેથરીન તાઈ અને ભારતના વાણિજ્ય મંત્રી પીયૂષ ગોયલ વચ્ચે પોલ્ટ્રી ઉત્પાદનો સંબંધિત વિવાદ પર ચર્ચા થઈ હતી. અમેરિકાએ આ કરાર બાદ જારી કરેલા એક નિવેદનમાં કહ્યું છે કે આ વિવાદના સમાધાન બાદ અમેરિકન કૃષિ અને પોલ્ટ્રી ઉત્પાદનોને ભારતમાં એક મોટું ગ્રાહક બજાર મળશે.

પીએમ મોદી અને રાષ્ટ્રપતિ બાઇડેન વચ્ચેની દ્વિપક્ષીય બેઠક બાદ સંયુક્ત નિવેદન બહાર પાડવામાં આવ્યું હતું. આ દરમિયાન, તેમણે કહ્યું કે બંને દેશોએ 2023 ના અંત સુધીમાં માનવ અવકાશ ઉડાન માટે વ્યૂહાત્મક માળખું તૈયાર કરવા માટે વાતચીત શરૂ કરી છે. બંને દેશો 2024માં ભારતીય અવકાશયાત્રીઓને ઈન્ટરનેશનલ સ્પેસ સ્ટેશન પર મોકલવાની યોજના બનાવી રહ્યાં છે. નિવેદનમાં વધુમાં કહેવામાં આવ્યું છે કે ભારત અને યુનાઇટેડ સ્ટેટ્સ ગ્રહ સંરક્ષણ પર સંકલન વધારવાનો ઇરાદો ધરાવે છે.

રાજનીતિના સમાચારો માટે આ લિંક પર ક્લિક કરો 

Politics | Gujarat Post

ગુજરાતના અન્ય લેટેસ્ટ સમાચારો માટે આ લિંક પર ક્લિક કરો

Gujarat | Gujarat Post

સૌથી ઝડપી સમાચારો માટે આ લિંક પર ક્લિક કરો

Gujarat Post News | Gujaratpost | Gujaratpostnews | Gujarati news webportel| Gujarati news website

પોપ્યુલર સ્ટોરી માટે આ લિંક પર ક્લિક કરો 

Popular stories | Gujarat Post

Watch

Watch