રૂ. 5,00,000 ની લાંચમાં પકડાયા આ મામલતદાર, ભ્રષ્ટાચારીઓએ ગુજરાતમાં હદ કરી નાખી છે

Published By
gujaratpost.in
2023-05-23 21:09:40

બાબુઓએ હદ કરી નાખી, મામલતદાર- કાર્યપાલ મેજીસ્ટ્રેટ રૂ.5 લાખની લાંચ લેતા ACB ના હાથે ઝડપાયા

વલસાડઃ એસીબીના અધિકારીઓને શાબાશી આપવા જેવું મોટું ઓપરેશન પાર પાડવામાં આવ્યું છે, આ વખતે રૂપિયા 5 લાખની લાંચનો પર્દાફાશ કરાયો છે, અમિત જનકભાઇ ઝડફીયા, વર્ગ-2, મામલતદાર અને કાર્યપાલક મેજીસ્ટ્રેટ, ઉમરગામને આ લાંચની રકમ લેતા ઝડપી પાડવામાં આવ્યાં છે.

ફરીયાદીએ ઉમરગામ તાલુકાની જમીનમાં વારસાઇ કરાવવા અરજી કરી હતી, જમીનમાં થર્ડ પાર્ટીનો દાવો ચાલી આવતો હતો જેથી જમીનમાં વારસાઇ કરાવવા તકરારી મેટર બનેલી હતી, આ મેટરનો નિકાલ કરવા થર્ડ પાર્ટીનો ચાલી આવતો દાવો ફરીયાદીનાં તરફેણમાં હુકમ કરવા આરોપી અધિકારીએ 5 લાખ રૂપિયાની લાંચ માંગી હતી.

ફરીયાદી લાંચ આપવા માંગતા ન હોવાથી એ.સી.બી.નો સંપર્ક કરીને ફરિયાદ આપી હતી. જેમાં આજ રોજ લાંચના છટકાનું આયોજન કરવામાં આવ્યું હતુ. જેમાં આરોપીએ ફરિયાદી સાથે હેતુલક્ષી વાતચીત કરીને રૂપિયા 5 લાખ લીધા ત્યારે જ એસીબીએ ટ્રેપ કરી હતી. આરોપી અધિકારીની ધરપકડ કરી લેવામાં આવી છે.

ટ્રેપીંગ અધિકારી- આર.કે.સોલંકી, પોલીસ ઇન્સ્પેક્ટર, સુરત ગ્રામ્ય એ.સી.બી. પો.સ્ટે
સુપર વિઝન અધિકારી- આર.આર.ચૌધરી, મદદનીશ નિયામક, એ.સી.બી. સુરત એકમ