વડોદરાઃ શહેરમાંથી એક ચોંકાવનારો કિસ્સો સામે આવ્યો છે. અહીં બહેન અને ભાણેજે મામા સાથે 2.70 કરોડ રૂપિયાની છેતરપિંડી કરી છે. કેનેડાના વિઝા અપાવવાના નામે તેના મામા પાસેથી કરોડો રૂપિયાની ઉચાપત કર્યાં બાદ પણ વિઝા ન મળતા અને પૈસા પરત ન થતાં મામાએ કંટાળીને પોલીસમાં ફરિયાદ નોંધાવી છે.
વડોદરામાં રહેતા દર્શન પટેલે પોલીસમાં નોંધાવેલી ફરિયાદમાં જણાવ્યું કે, તે 2009માં સ્ટુડન્ટ વિઝા પર ભણવા માટે લંડન ગયો હતો. આ પછી તે વર્ષ 2014માં ભારત પાછો ફર્યો હતો. કોરોના પીરિયડ પછી જ્યારે તે તેની પિતરાઈ બહેન દિવ્યાંગીબેનને મળવા ગયો હતો, જેથી તેણે કેનેડામાં રહેતા પુત્ર ધ્રુવ પટેલને વિઝા અપાવવામાં મદદ કરવા જણાવ્યું હતું.
આ પછી દર્શને તેના ભાણેજ ધ્રુવ સાથે વાત કરી તો તેણે પહેલા વિઝિટર વિઝા માટે પૈસા માંગ્યા, પછી કહ્યું કે તેમાં પ્રોબ્લેમ છે, તેથી વર્ક પરમિટ વિઝા લેવા પડશે. આ માટે વધુ પૈસા પડાવ્યાં. પાછળથી તેણે નકલી વર્ક પરમિટ પત્રો અને એર ટિકિટો મોકલી, જેનાથી મામાને ખાતરી થઈ ગઈ કે બધું સાચું છે.
જ્યારે છેલ્લી ક્ષણે ધ્રુવે કહ્યું કે વર્ક પરમિટમાં સમસ્યા છે ત્યારે તેણે દર્શનને કેનેડા જવા માટે બિઝનેસ વિઝા મેળવવાની સલાહ આપી. આ માટે મોટી રકમ પણ લેવામાં આવી હતી. દર્શને જ્યારે ટિકિટ અને વિઝા ચેક કર્યા તો ખબર પડી કે ટિકિટ નકલી છે.
દર્શને જ્યારે ધ્રુવને ફોન કરીને તેના પૈસા પાછા માંગ્યા ત્યારે તેણે જવાબ આપ્યો ન હતો. બહેન સાથે પણ વાત કરવામાં આવી હતી, પરંતુ કોઈ ઉકેલ મળી શક્યો નહોતો. આ પછી જૂન 2024માં ધ્રુવના પિતાનું અવસાન થયું હતુ, આ દરમિયાન ધ્રુવ વડોદરા આવ્યો ત્યારે દર્શને ફરી પૈસા પાછા માંગ્યા, પરંતુ તેણે પૈસા આપવાની ના પાડી હતી.
સમાજના કેટલાક જાણીતા લોકોની હાજરીમાં ધ્રુવે વડોદરામાં તેના ઘરનો ટોકન એગ્રીમેન્ટ કર્યો હતો અને પૈસા પરત આપવાનો વાયદો કર્યો હતો, પરંતુ 8 મહિના પછી પણ તેણે કોઈ રકમ પરત કરી ન હતી. આખરે કંટાળીને દર્શન પટેલે તેની બહેન અને ભાણેજ સામે પોલીસ ફરિયાદ નોંધાવી હતી. વડોદરા પોલીસે દર્શન પટેલની ફરિયાદ પરથી દિવ્યાંગી પટેલ અને ધ્રુવ પટેલ સામે વિવિધ કલમો હેઠળ ગુનો નોંધ્યો છે. પોલીસ હવે આ મામલે ઉંડાણપૂર્વક તપાસ કરી રહી છે.
Android મોબાઇલ માટેઃ https://play.google.com/store/
iOS મોબાઇલ માટેઃ https://apps.apple.com/in/app/
ACB ટ્રેપઃ ગાંધીનગરમાં નાયબ મામલતદારે માંગી રૂ. 9,50,000 ની લાંચ અને પછી થયું આવું | 2026-04-17 19:20:19
48 દિવસ પછી હોર્મુઝ ખુલ્યું: કોમર્શિયલ જહાજોની અવરજવર માટે છૂટ, ઈરાને કરી જાહેરાત | 2026-04-17 19:08:13
રાહુલ ગાંધીની મુશ્કેલીમાં વધારો: બ્રિટિશ નાગરિકતા વિવાદમાં FIR નોંધવા અલ્હાબાદ હાઈકોર્ટનો આદેશ | 2026-04-17 17:36:39
ACB ટ્રેપઃ અમદાવાદમાં બે પોલીસ કર્મચારીઓ વતી લાંચ લેનારો પ્રજાજન 3 હજાર રૂપિયા લેતા ઝડપાયો | 2026-04-17 17:32:12
સ્થાનિક સ્વરાજ્યની ચૂંટણી: CM ભૂપેન્દ્ર પટેલના હેલિકોપ્ટરમાં ટેકનિકલ ખામી સર્જાઇ, ભાજપમાં આંતરિક કલહ સપાટી પર | 2026-04-17 17:29:02
Part- 1 અમારી આ 10 સ્ટોરી વાંચો, ગુજરાતની સ્ટેટ GST ઓફિસોમાં ભ્રષ્ટાચાર રોકવા સરકાર કેમ નિષ્ફળ ગઇ ? આ રહ્યાં ભ્રષ્ટ અધિકારીઓનાં કારનામાં | 2026-04-16 23:45:39
વડોદરામાં PI એ 2,00,000 રૂપિયાની લાંચ માંગી અને લાંચ લેનારો ઝડપાઇ ગયો | 2026-04-16 21:37:46
વડોદરા કોંગ્રેસમાં બળવો: ટિકિટ કપાતા કારગિલના યોદ્ધા ધર્મેન્દ્રસિંહ રાજપૂતનું રાજીનામું | 2026-04-16 16:58:32
ડભોઈમાં ભાજપ- કોંગ્રેસ સામ સામે, ધારાસભ્ય શૈલેષ સોટાને કાર્યકરોએ ધક્કે ચડાવ્યાં | 2026-04-15 18:25:22
સ્થાનિક સ્વરાજ્યની ચૂંટણીનો જંગ: ભાજપે જનસેવા સંકલ્પ સાથે પ્રચારના શ્રીગણેશ કર્યા, મનપાના ઉમેદવારોએ લીધા શપથ | 2026-04-12 10:09:40
વડોદરામાં ફોર્મ ભરવા પહોંચેલા મહિલા ઉમેદવારના પતિની હરિયાણા પોલીસે કરી ધરપકડ | 2026-04-11 17:24:13
Copyright © 2026 Gujarat Post News.
Whatsapp
