Fri,30 September 2022,3:44 pm
Print
header

ગૃહમંત્રી અમિત શાહની સુરક્ષામાં ફરીથી ચૂક, TRS નેતાએ ગૃહમંત્રીના કાફલાની આગળ જ કાર ઉભી કરી દીધી- Gujarat Post

13 દિવસમાં જ ગૃહમંત્રી અમિત શાહની સુરક્ષા ચૂકનો બીજો કિસ્સો

TRS નેતાની ઓળખ ગોસુલા શ્રીનિવાસ તરીકે થઈ

હૈદરાબાદઃ કેન્દ્રીય ગૃહમંત્રી અમિત શાહની સુરક્ષામાં ચૂક સામે આવી છે. TRS નેતાએ શાહના કાફલા આગળ જ તેમની કાર ઉભી કરી દીધી હતી. જો કે ગૃહમંત્રીના સુરક્ષાકર્મીઓ દ્વારા તેને તાત્કાલિક હટાવી લેવામાં આવી હતી. TRS નેતાની ઓળખ ગોસુલા શ્રીનિવાસ તરીકે થઈ છે. ઘટના બાદ શ્રીનિવાસે કહ્યું કે કાફલા આગળ મારી કાર અચાનક બંધ થઇ ગઈ હતી. હું કંઈ સમજી શક્યો ત્યાં સુધીમાં ગૃહમંત્રીના સુરક્ષાકર્મીઓએ તોડફોડ કરી. હું પોલીસ અધિકારીને મળીશ અને તેમને કાર્યવાહી કરવા કહીશ.

13 દિવસમાં અમિત શાહની સુરક્ષામાં ખામીનો આ બીજો કિસ્સો છે. અગાઉ 4-5 સપ્ટેમ્બરના રોજ તેમની મહારાષ્ટ્ર મુલાકાત દરમિયાન સુરક્ષામાં ચૂક હતી. શાહની મુંબઈ મુલાકાત દરમિયાન, એક શંકાસ્પદ ઘણા કલાકો સુધી તેમની આસપાસ ફરતો હતો. અધિકારીઓને શંકા જતાં તેઓએ પોલીસને જાણ કરી હતી અને પોલીસે તેની ધરપકડ કરી હતી.

હૈદરાબાદ લિબરેશન ડેમાં ભાગ લેવા માટે અમિત શાહ તેલંગાણાના પ્રવાસે છે. તેમણે પહેલા દિવસે સિકંદરાબાદ આર્મી ગ્રાઉન્ડ ખાતે રેલીને સંબોધિત કરી હતી. TRS પર નિશાન સાધતા શાહે કહ્યું- ભારતને 1947માં આઝાદી મળી, પરંતુ હૈદરાબાદમાં હજુ પણ નિઝામનું શાસન છે અને હવે આપણે અહીં નવી શરૂઆત કરવાની છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch