Mon,25 October 2021,5:54 am
Print
header

શેરબજાર ઐતિહાસિક ટોચ પરઃ આ ગુજરાતી કંપનીઓએ ચાલુ વર્ષે રોકાણકારોને આપ્યું 100 ટકાથી વધુ વળતર

અમદાવાદઃ ભારતીય શેરબજાર ઐતિહાસિક સપાટીએ પહોંચી ગયું છે. જેના કારણે રોકાણકારોમાં દિવાળી જેવો માહોલ છે, એક તરફ વડાપ્રધાન મોદી અમેરિકાના પ્રવાસે છે તેવા સમયે સેન્સેક્સે 60 હજારની સપાટી કૂદાવી દીધી છે.છેલ્લા થોડા સમયની શેરબજારની મૂવમેંટ જોઈને ઘણા નિષ્ણાતો ટૂંક સમયમાં જ સેન્સેક્સ 60 હજારની સપાટી કૂદાવશે તેવી આગાહી કરતા હતા અને હવે તેે મુજબ જ થયું છે.આ દરમિયાન રોકાણકારો પણ માલામાલ થઇ ગયા છે.

ચાલુ વર્ષે ગુજરાતની 14 કંપનીઓએ રોકાણકારોને બખ્ખાં કરાવી દીધા છે, તેમણે રોકાણ કરેલા રૂપિયાનું બમણું કે તેથી વધુ વળતર આપ્યું છે. 1 જાન્યુઆરી 2021 થી 24 સપ્ટેમ્બર 2021 સુધી 7 થી વધારે કંપનીઓએ 200 ટકાથી વધારે વળતર આપ્યું છે. આ કંપનીઓમાં ગણેશ હાઉસિંગ કોર્પોરેશન લિમિટેડ, આર એન્ડ બી ડેનિમ, અદાણી ટોટલ ગેસ લિમિટેડ, મોનાર્ક નેટવર્થ કેપિટલ લિમિટેડ, અદાણી ટ્રાન્સમિશન લિમિટેડ, પીજી ફોઈલ્સ લિમિટેડ અને ગુજરાત ફ્લોરો કેમિકલ્સ લિમિટેડ સામેલ છે. આ સિવાય અન્ય સાત કંપનીઓના શેર 100 ટકાથી 197 ટકા સુધી વધ્યા છે. જેમાં અદાણી એન્ટરપ્રાઇઝ, નંદન ડેનિમ લિમિટેડ, દીપક નાઇટ્રાઇટ લિમિટેડ, ગુજરાત થેમિસ બાયોસિન લિમિટેડ, જીઆર ઈન્ફ્રાપ્રોજેક્ટસ લિમિટેડ, અમિ ઓર્ગેનિક્સ અને તત્વ ચિંતન ફાર્મા કેમ લિમિટેડનો સમાવેશ થાય છે. જે પૈકી તત્વ ચિંતન ફાર્માનો આઈપીઓ થોડા સમય પહેલા જ આવ્યો હતો.આઠ કંપનીઓએ 50 થી 99 ટકા સુધી વળતર આપ્યું છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch