Tue,14 July 2020,12:41 pm
Print
header

કોરોના મહામારી વચ્ચે પણ શિક્ષણ પ્રધાન ટીચર્સ યુનિવર્સિટીનાં કાર્યક્રમમાં વિશેષ અતિથી બનશે

મહામારીમાં પણ નેતાઓ ફોટા પડાવવાનું નથી ભૂલતા !

હિરેન ઉપાધ્યાય, અમદાવાદ

હાલ કોરોના મહામારીને કારણે રાજ્યની શિક્ષણ વ્યવસ્થા ખોંરભે છે. ત્યારે રાજ્યના શિક્ષણમંત્રી ભુપેન્દ્રસિંહ ચુડાસમા ખુદ અનલોક-1ના નિયમોનો ભંગ કરી રહ્યાં છે. ગાંધીનગરમાં આવેલી ટીચર્સ યુનિવર્સિટીની દશાબ્દી મહોત્સવમાં ભુપેન્દ્રસિંહ ચુડાસમા, મંત્રી વિભાવરીબેન દવે હાજર રહેવાના છે . સવાલ એ થાય કે ખુદ વડાપ્રધાન નરેન્દ્ર મોદી પણ દેશના મહત્વના નિર્ણયો પણ વીડિયો કોન્ફરન્સથી લેતા હોય છે ત્યારે રાજ્યના શિક્ષણમંત્રી ભુપેન્દ્રસિંહ ચુડાસમા અને વિભાવરીબેન દવેને એ બાબતનો  ખ્યાલ નહીં હોય કે હજુ કોરોના નથી ગયો અને દેશમાં અનલોક-1ના નિયમો પણ લાગુ છે.

ટીચર્સ યુનિવર્સિટીને પણ આ કાર્યક્રમ યોજવા માટે કોણે પરવાનગી આપી તે પણ મોટો પ્રશ્ન છે. કારણે કે અનલોક-1 અને હવે અનલોક-2ની ગાઇડલાઇનમાં સ્પષ્ટ જણાવ્યું છે કે શિક્ષણ વિભાગને લગતી કોઇ એવી પ્રવૃતિ ન કરવી કે જેમાં ભીડ ભેગી થાય, ત્યારે ટીચર્સ યુનિવર્સીટીને પરવાનગી આપનાર પોલીસ વિભાગની પણ બેદરકારી દેખાઇ રહી છે. ટીચર્સ યુનિવર્સિટી ગાંધીનગર સેક્ટર-15 ખાતે આવેલી  છે. ત્યારે આ પ્રકારના આયોજનથી એ પણ સ્પષ્ટ બને છે કે સરકારનો શિક્ષણ વિભાગ એક તરફ મોટી મોટી વાતો કરે છે અને એક તરફ નિયમોનો સરેઆમ ભંગ કરે છે. ત્યારે રાજ્યના મુખ્યમંત્રી વિજય રુપાણીએ આ બાબતને ગંભીરતાથી લઇને આ પ્રકારના આયોજકો સામે પગલા ભરવાની સાથે તેમના મંત્રીઓને પણ શીખામણ આપવાની જરુર છે.

 

વધુ સમાચારો માટે અમારા Facebook પેજને Like કરો

Facebook પેજની લિંક

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો..

https://www.gujaratpost.in/news/listing/Gujarat

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch

-->