Mon,25 October 2021,6:06 am
Print
header

ભારતને વધુ એક ગોલ્ડ મેડલ, ટોકયો પેરાલિમ્પિકમાં સુમિત અંતિલે ભાલા ફેંકમાં મેળવ્યો ગોલ્ડ

ટોકયોઃ જન્માષ્ટમીનો દિવસ ભારતીયો માટે શુભ સાબિત થયો છે, દેશને વધુ એક ગોલ્ડ મેડલ મળ્યો છે. સુમિત અંતિલે ભાલા ફેંકમાં વર્લ્ડ રેકોર્ડ બનાવીને ગોલ્ડ મેડલ પોતાના નામે કર્યો છે. તેમને ફાઈનલમાં 68.55 મીટરનો થ્રો કરીને દેશને મેડલ અપાવ્યો છે. સુમિતે 66.95 મીટર, 68.08 મીટર, 65.27 મીટર, 66.71 મીટર અને 68.55 મીટરનો થ્રો કર્યો હતો. સાથે જ તેમને વર્લ્ડ રેકોર્ડ પણ બનાવી લીધો છે.

પહેલા દેવેન્દ્ર ઝાઝરિયા અને સુંદરસિંહ ગુર્જરે પણ ભાલાફેંક (જેવલિન થ્રો) માં મેડલ પોતાના નામે કર્યો છે. દેવેન્દ્રએ સિલ્વર અને સુંદરસિંહે બ્રોન્ઝ મેડલ જીત્યો છે. અત્યાર સુધી ભારતે પેરાલિમ્પિકમાં 2 ગોલ્ડ, 4 સિલ્વર અને 1 બ્રોન્ઝ સહિત 7 મેડલ મેળવ્યાં છે. પેરાલિમ્પિકમાં ભારતની અવની લખેરાએ મહિલાઓની 10 મીટર AR રાઇફલ ફાઇનલમાં ગોલ્ડ મેડલ જીતી લીધો છે અને આજે જ બીજો ગોલ્ડ મેડલ સુમિતે જીતી લીધો છે. પીએમ મોદી સહિત અનેક હસ્તીઓએ આપણા ખેલાડીઓ પર ગર્વ અનુભવ્યો છે. 

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch