ગૌશાળા નજીક કાળમુખો અકસ્માત નડ્યો
મોત બાદ અંતિમ રીલ વાયરલ થઈ
ઇન્સ્ટાગ્રામ પર 18 લાખ ફોલોઅર્સ અને યુટ્યુબ પર 10 લાખ સબસ્ક્રાઇબર્સ હતા
વાવ- થરાદ: બનાસકાંઠા સહિત સમગ્ર ગુજરાતમાં ‘ગુજ્જુ લવ ગુરુ’ તરીકે લોકપ્રિયતા મેળવનાર જાણીતા સોશિયલ મીડિયા ઈન્ફ્લુએન્સર અને કોમેડિયન ચંદન રાઠોડનું ભાભર નજીક ગૌશાળા પાસે સર્જાયેલા બાઈક અકસ્માતમાં કમકમાટીભર્યું મોત નીપજ્યું છે. લાખો લોકોને પોતાના હાસ્યરસથી ડોલાવનાર આ યુવા કલાકારના આકસ્મિક નિધનથી સમગ્ર પંથક સહિત ડિજિટલ જગતમાં ઘેરા શોકની લાગણી પ્રસરી ગઈ છે.
ચંદન રાઠોડ બાઈક લઈને પસાર થઈ રહ્યાં હતા, ત્યારે ભાભર નજીક ગૌશાળા પાસે અકસ્માતનો ભોગ બન્યાં હતા. અકસ્માત એટલો ગંભીર હતો કે ઘટના સ્થળે જ તેઓ ગંભીર રીતે ઈજાગ્રસ્ત થયા હતા અને બાદમાં તેમનું મોત થઇ ગયું હતુ.અકસ્માતની જાણ થતાં જ મોટી સંખ્યામાં તેમના ચાહકો, સ્થાનિક આગેવાનો અને સંબંધીઓ હોસ્પિટલ દોડી આવ્યાં હતા.
સુઈગામના એક સામાન્ય પરિવારમાંથી આવતા ચંદન રાઠોડે કોઈ પણ મોટા બેકગ્રાઉન્ડ વગર માત્ર પોતાની પ્રતિભાના બળે ડિજિટલ દુનિયામાં એક અલગ છાપ ઊભી કરી હતી. તેઓ વાવ-થરાદ પંથકના કદાચ પ્રથમ એવા પ્રભાવશાળી ઈન્ફ્લુએન્સર હતા, જેમણે સ્થાનિક બોલીને વૈશ્વિક ઓળખ અપાવી હતી. ઇન્સ્ટાગ્રામ પર 18 લાખ ફોલોઅર્સ અને યુટ્યુબ પર 10 લાખ સબસ્ક્રાઇબર્સ ધરાવતા ચંદન રાઠોડની દેશી અંદાજવાળી કોમેડી માત્ર ઉત્તર ગુજરાત પૂરતી સીમિત ન રહેતાં સમગ્ર રાજ્યમાં લોકપ્રિય બની હતી. તેઓ માત્ર હાસ્ય જ નહીં, પરંતુ સામાજિક વાસ્તવિકતા અને સંદેશસભર વિડીયો પણ પીરસતા હતા.
ચંદન રાઠોડે મોતના ગણતરીના કલાકો પહેલાં સોશિયલ મીડિયા પર એક રીલ શેર કરી હતી. આ રીલમાં તેમણે અત્યંત ગંભીર ભાવ સાથે કહ્યું હતું કે, જેનો ભરોસો નથી એનું નામ જિંદગી અને જેનો 100 ટકા ભરોસો છે એનું નામ મોત.
કોઈને અંદાજ પણ ન હતો કે પોતાના શબ્દો આટલી ઝડપે અને આ રીતે સાચા પડી જશે. આ છેલ્લી રીલ અત્યારે સોશિયલ મીડિયા પર ભારે ચર્ચાનો વિષય બની છે અને લાખો ચાહકો આંસુ ભરી આંખે આ હસમુખા કલાકારને શ્રદ્ધાંજલિ અર્પી રહ્યાં છે.
ACB ટ્રેપઃ ઉનામાં પથ્થરોથી ભરેલું ટ્રેક્ટર નહીં રોકવા અને હેરાનગતિ નહીં કરવા રૂપિયા 2000 ની લાંચ લેતા વચેટિયો ઝડપાયો, હેડ કોન્સ્ટેબલ ફરાર | 2026-10-16 21:28:59
કનોટ પ્લેસમાં પ્રદર્શન પહેલાં જ અભિજીત દીપકેની અટકાયત, નેહા બોરાને પણ કસ્ટડીમાં લેવાયા | 2026-10-16 18:55:47
આપના ધારાસભ્ય ચૈતર વસાવાને હાઇકોર્ટે એક દિવસના હંગામી જામીન આપ્યાં, નાના ભાઈએ ઝેરી દવા પી લેતા હોસ્પિટલમાં દાખલ કરાયા છે | 2026-10-16 18:25:12
અમરેલીઃ જાફરાબાદમાં 4 સગીરાઓ સાથે યૌન શોષણનો સનસનીખેજ બનાવ, નરાધમ શિક્ષક ઝડપાયો | 2026-10-16 09:49:21
દિલ્હીમાં CJP ની લહેરાદો તિરંગાના એલાનથી કનોટ પ્લેસ છાવણીમાં ફેરવાયું, દિપકેની સાંજે અટકાયત કરાઇ | 2026-10-16 09:40:17
સિલ્વર ઓક યુનિવર્સિટીમાં My Equation રોબોટિક્સ સેન્ટર ઑફ એક્સેલન્સની સ્થાપના | 2026-10-16 18:52:47
નવરાત્રિના અંતિમ દિવસે મેઘરાજા બગાડી શકે છે તમારી મજા, માવઠાની આ છે આગાહી | 2026-10-14 18:11:49
રાજ્યપાલશ્રી આચાર્ય દેવવ્રતજીએ સરદાર પટેલ યુનિવર્સિટીની હોસ્ટેલની લીધી આકસ્મિક મુલાકાત | 2026-10-13 18:33:13
ગુજરાતના દરિયામાં સાગર કવચ મોકડ્રીલ યોજાઇ, 26-11 મુંબઇ જેવા આતંકી હુમલા અટકાવવા ડમી હુમલા પણ કરાયા | 2026-10-12 09:44:17
સુરેન્દ્રનગરમાં મહિલા પર સામૂહિક બળાત્કાર, પતિ સહિત 9 આરોપીઓની ધરપકડ | 2026-10-08 12:25:23
કચ્છમાં પિતાએ 14 વર્ષની પુત્રી પર બળાત્કાર ગુજાર્યો, માતાએ અશ્લીલ ફોટા પાડ્યા, બંનેની ધરપકડ | 2026-10-06 08:53:50
Copyright © 2026 Gujarat Post News.
Whatsapp
