Wed,10 August 2022,7:09 am
Print
header

સહકારી સંસ્થાઓને ગુણવત્તા યુક્ત દારૂ વેચવાની એજન્સી આપી દેવી જોઈએઃ વિપુલ ચૌધરી-Gujaratpost

દારૂબંધીના કાયદાને લઈને સવાલ ઉઠાવ્યાં 

એજન્સીઓ આપવાની અને પોતાના ડિસ્ટ્રિબ્યુટર નિમવાની તૈયારી બતાવી

બોટાદઃ ગુજરાતમાં લઠ્ઠાકાંડની ઘટનાને લઈને હાહાકાર મચી ગયો છે. આ ઘટનામાં અત્યાર સુધીમાં 57 લોકોનાં મોત થયા છે. વિપક્ષ આ ઘટનાને લઈને ભાજપ સરકાર પર નિશાન સાધી રહ્યું છે.હવે દૂધસાગર ડેરીના પૂર્વ ચેરમેન અને રાજ્યના પૂર્વ ગૃહમંત્રી વિપુલ ચૌધરીએ પાટણમાં નિવેદન આપતા ભાજપ સરકારની ઝાટકણી કાઢી છે. કહ્યું રાજ્યમાં આવા કાયદાઓનો કોઇ મતલબ નથી, ગુણવત્તા યુક્ત દારુનું વેચાણ થાય તેવી વ્યવસ્થા કરવી જોઈએ. સહકારી ક્ષેત્રે દારૂના વેચાણ માટે એજન્સીઓ આપી દેવી જોઈએ.

સહકારી સંસ્થાઓ ગુણવત્તા યુક્ત દૂધ વેચી રહી છે ત્યારે તેને ગુણવત્તા યુક્ત દારૂનું વેચાણ કરવા માટે એજન્સીઓ આપી દેવી જોઈએ.આ સાથે દારૂબંધીના કાયદાને લઈને સવાલ ઉઠાવ્યો છે. વિપુલ ચૌધરીએ કહ્યું જો સરકારને મુશ્કેલી હોય તો દારૂ વેંચવા પોતાની એજન્સીઓ આપવાની અને પોતાના ડિસ્ટ્રિબ્યુટર નિમવાની તૈયારી બતાવી છે. નોંધનિય છે કે વિપુલ ચૌધરી સહકારી કૌભાંડોને લઇને સતત ચર્ચામાં છે અને અગાઉ ભાજપે જ અનેક વખત તેમને સબક શિખવી દીધો હતો.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch