Thu,26 May 2022,11:25 pm
Print
header

સલમાનને સાપે એક નહીં ત્રણ વખત માર્યો હતો ડંખ, ખુદ જણાવી તે રાતની સ્ટોરી– Gujarat Post

મુંબઈઃ બોલિવૂડનો દબંગ સ્ટાર સલમાન ખાન આજે બર્થ ડે ઉજવી રહ્યો છે. ગઈકાલે તેને સાપે ડંખ માર્યો હોવાના સમાચાર આવ્યા હતા. જે બાદ આજે સલમાને મીડિયાને જણાવ્યું કે, સાપે તેને એક વખત નહીં પણ ત્રણ- ત્રણ વખત ડંખ માર્યો હતો. સલમાન પનવેલના ફાર્મહાઉસમાં ક્રિસમસ અને જન્મદિવસની ઉજવણી કરવા ગયો હતો. હવે સાપ કરડવાની વાત ખુદ સલમાન ખાને મીડિયાને જણાવી છે.

સલમાને કહ્યું, 'ફાર્મ હાઉસની અંદર એક સાપ ઘૂસ્યો હતો, મેં તેને લાકડાની મદદથી દૂર ફેંકવાનો પ્રયાસ કર્યો. પણ ત્યારે જ તે મારા હાથ પર ચડી ગયો.આવી સ્થિતિમાં, મેં સાપને બહાર આવવા માટે બીજા હાથમાં લીધો અને પછી તેણે મને ત્રણ વાર ડંખ માર્યો. તે એક પ્રકારનો ઝેરી સાપ હતો. હું 6 કલાક માટે હોસ્પિટલમાં દાખલ હતો. હું હવે ઠીક છું.

સલમાને કહ્યું, સારી વાત એ હતી કે હોસ્પિટલમાં તમામ સુવિધાઓ ઉપલબ્ધ હતી. તેમની પાસે તમામ પ્રકારના એન્ટી વેનોમ હતા. અત્યાર સુધી મેં તમામ પ્રકારના એન્ટી વેનો (ક્રેટ, વાઇપર, કોબ્રા)ના ઇન્જેક્શન લીધા છે. જોકે, સાપને પકડીને બાદમાં જંગલમાં છોડી દેવામાં આવ્યો હતો.

પોતાના જન્મદિવસ નિમિત્તે સલમાન હાલમાં પનવેલના ફાર્મહાઉસમાં છે. તેણે 27 ડિસેમ્બરની રાત્રે મીડિયા સાથે વાત કરી હતી. સલમાન ખાને તેનો 56મો જન્મદિવસ તેના પરિવારના સભ્યો, નજીકના મિત્રો અને પસંદગીના મિત્રો સાથે ઉજવ્યો. દરમિયાન તેના બોલિવૂડ મિત્રો પણ હાજર હતા સલમાન ખાને વર્ષ 1988માં ફિલ્મ 'બીવી હો તો ઐસી'થી બોલિવૂડમાં એન્ટ્રી કરી હતી. પરંતુ સલમાનને સૂરજ બડજાત્યાની મૈને પ્યાર કિયાથી લોકપ્રિયતા મળી હતી. આજે સલમાનના કરોડો ચાહકો છે. તેની દરેક ફિલ્મનો અલગ-અલગ ક્રેઝ છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch