Thu,23 September 2021,12:10 pm
Print
header

ભાગલાવાદી સૈયદ અલી શાહ ગિલાનીના મોત પર પાકિસ્તાનમાં જાહેર કરાયો શોક, હીરોની જેમ કરાયા યાદ

લાહૌરઃ કાશ્મીરના અલગાવવાદી નેતા સૈયદ અલી શાહનું ગઈકાલે નિધન થયું હતું. જે બાદ પાકિસ્તાનના પ્રધાનમંત્રી ઈમરાન ખાને ટ્વીટ કરીને શોક વ્યક્ત કર્યો છે. ઈમરાને લખ્યું કાશ્મીરની સ્વતંત્રતાના સેનાની સૈયદ અલી શાહ ગિલાનીના મોતથી દુઃખ થયું છે. તેમણે સમગ્ર જીવન લોકોના અધિકારો માટે ન્યોછાવર કરી દીધુ છે. તેમને કેદ કરાયા હતા, તેમ છતાં ભારત સરકાર સામે ઝુક્યા ન હતા. અમે પાકિસ્તાનીઓ તેમના સાહસને સલામ કરીએ છીએ. પાકિસ્તાનના વિદેશ મંત્રાલયે પણ ગિલાનીને યાદ કર્યાં હતા. વિદેશ મંત્રાલયે ટ્વીટ કરીને લખ્યું સૈયદ અલી શાહ ગિલાનીએ કાશ્મીરની ત્રણ પેઢીઓને પ્રેરિત કરી. તેઓ કાશ્મીરનો અવાજ હતા અને તેમણે કાશ્મીરીઓના આત્મ નિર્ણયના અધિકાર માટે ખુદને સમર્પિત કરી દીધા હતા. તેમણે પોતાની વિચારધારા સાથે કોઈ સમજૂતી કરી ન હતી.

કાશ્મીરના નેતા સૈયદ અલી શાહ ગિલાનીનો જન્મ 29 સપ્ટેમ્બર,1929ના રોજ થયો હતો. તેઓ જમ્મુ-કાશ્મીરમાં પ્રથમ પાકિસ્તાન સમર્થક કાશ્મીરી અલગતાવાદી નેતા હતા.અગાઉ તેઓ જમાત-એ-ઈસ્લામી કાશ્મીરના સભ્ય હતા, બાદમાં તહેરીક-એ-હુર્રિયતની સ્થાપના કરી હતી.જમ્મુ-કાશ્મીરમાં અલગતાવાદી સમર્થક પક્ષોના સમૂહ ઓલ પાર્ટીઝ હુર્રિયત કોન્ફ્રરન્સના અધ્યક્ષ તરીકે કાર્ય કર્યું હતું. વર્ષ 1972,1977 અને 1987માં જમ્મુ-કાશ્મીરના સોપોર ક્ષેત્રમાંથી ધારાસભ્ય પણ રહી ચુક્યા હતા. તાજેતરમાં જ જૂન 2020માં તેમણે હુર્રિયત છોડી દીધી હતી. છેલ્લા કેટલાક સમયથી તેમની તબિયત સારી ન હતી. અનેક વખત તેમના અવસાનની અફવા પણ ફેલાઈ હતી. જો કે આ તેઓએ અનેક વખત ભારત સરકારની વિરોધમાં કામ કર્યું છે.ત્યારે હવે પાકિસ્તાને તેમના નિધન પર ફરીથી કાશ્મીર રાગ આલાપ્યો છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch