Fri,17 April 2026,8:28 pm
Print
header

રાજકોટ સિવિલ ફરી વિવાદમાંઃ જાણીતી સિંગરના ભાઈને ઈમરજન્સીમાં 50 મિનિટ સુધી દાખલ જ ન કર્યો

  • Published By Panna patel
  • 2025-07-29 10:54:59
  • /

રાજકોટઃ સિવિલ હોસ્પિટલ ફરી વિવાદમાં આવી હતી. ગુજરાતી ગાયિકા મીરા આહિરના ભાઈને ઈમરજન્સીમાં 50 મિનિટ સુધી દાખલ જ ન કર્યો અને સામે ફાઈલ છુટ્ટો ઘા કરીને દર્દીના સગાઓને અપમાનિત કરાયા હતા.

મીરા આહિરે સમગ્ર ઘટનાને લઈને અને તંત્ર પાસે જવાબ માગતા બનાવેલા વીડિયોમાં જણાવ્યું કે, તેઓ તેમના ભાઈને સારવાર અર્થે રાજકોટ સિવિલ હોસ્પિટલ લઈ ગયા હતા. ઇમરજન્સી વિભાગમાં 45થી 50 મિનિટ સુધી રાહ જોવા છતાં, કોઈ પણ સ્ટાફ દ્વારા તેમના ભાઈનો કેસ લખવામાં આવ્યો ન હતો. આટલું જ નહીં, મીરા આહિરે ઇમરજન્સી વિભાગમાં ફરજ પર હાજર ડોક્ટર અને સ્ટાફ પર ગેરવર્તન કરવાનો અને અભદ્ર ભાષાના ઉપયોગનો ગંભીર આક્ષેપ કર્યો છે.

સ્ટાફ દ્વારા તેને નથી દાખલ કરવો, તારાથી જે થાય એ કરી લેજે, જેવા અયોગ્ય શબ્દો પણ કહેવામાં આવ્યાં હતા. આ ઘટનાથી વ્યથિત થઈને મીરા આહિરે સોશિયલ મીડિયા પર વીડિયો દ્વારા સિવિલ હોસ્પિટલ પાસે આ મામલે સ્પષ્ટતા અને જવાબ માગ્યો છે. તેમણે સિવિલ તંત્રની બેદરકારી અને દર્દીઓ પ્રત્યેના અસંવેદનશીલ વલણ સામે પણ અવાજ ઉઠાવ્યો છે.

થોડા મહિના પહેલા જાણીતા હાસ્ય કલાકાર હકાભા ગઢવીએ પણ રાજકોટ સિવિલ હોસ્પિટલના સત્તાધીશો સામે સવાલ ઉઠાવ્યાં હતા અને ફરીથી હોસ્પિટલ વિવાદમાં આવી છે.

Android મોબાઇલ માટેઃ https://play.google.com/store/apps/details?id=com.gujaratpost.app

iOS મોબાઇલ માટેઃ https://apps.apple.com/in/app/gujarat-post/id6475000526+++

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch