ગાંધીનગરઃ હવામાન વિભાગ દ્વારા કરવામાં આવેલી સત્તાવાર આગાહી વચ્ચે ગત રાત્રિથી જ ગુજરાતના વાતાવરણમાં જોરદાર પલટો આવ્યો છે. વેસ્ટર્ન ડિસ્ટર્બન્સ અને સાયક્લોનિક સર્ક્યુલેશન સક્રિય થવાના કારણે રાજ્યમાં પ્રી-મોન્સૂન સિસ્ટમ મજબૂત બની છે. જેના પગલે 31 મેની મધરાતે 12 વાગ્યા બાદ અમદાવાદ, મહીસાગર, સાબરકાંઠા, અરવલ્લી, અમરેલી અને ગીર સોમનાથ સહિતના જિલ્લાઓમાં ભારે પવન, તીવ્ર વાવાઝોડું અને વીજળીના કડાકા સાથે ધોધમાર વરસાદ તૂટી પડ્યો હતો.
સ્ટેટ ઈમરજન્સી ઓપરેશન સેન્ટર ગાંધીનગરના આંકડા પ્રમાણે, સવારે 6 વાગ્યે પૂરા થયેલા 2 કલાકમાં 45 તાલુકાઓમાં વરસાદ વરસ્યો હતો. મહિસાગરના વિરપુરમાં સૌથી વદુ 1.14 ઇંચ, અરવલ્લીના મોડાસામાં 1.10 ઇંચ, પંચમહાલના શેહરામાં 0.94 ઇંચ, અરવલ્લીના ભીલોડમાં 0.94 ઇંચ, સાબરકાંઠાના વડાલીમાં 0.87 ઇંચ, મહિસાગરના કડાણામાં 0.87 ઇંચ , પંચમહાલના મોરવા હડફમાં 0.79 ઇંચ વરસાદ પડ્યો હતો.
છેલ્લા કેટલાક સમયથી અસહ્ય ઉકળાટ અને કાળઝાળ ગરમીથી ત્રાહિમામ પોકારી ગયેલી જનતાને તાપમાનમાં 3થી 5 ડિગ્રી સેલ્સિયસનો ઘટાડો નોંધાતા મોટી રાહત મળી હતી. જોકે, તોફાની પવનના કારણે અનેક શહેરી તેમજ ગ્રામ્ય વિસ્તારોમાં વીજળી ગુલ થઈ ગઈ હતી અને સંપૂર્ણપણે અંધારપટ છવાયો હતો. બીજી તરફ, આજે વહેલી સવારે સુરતના વાતાવરણમાં પણ અચાનક પલટો આવ્યો હતો. સુરતમાં ભારે વરસાદને કારણે માર્ગો પર પાણી વહી નીકળ્યા હતા, જેને પગલે લાંબા સમયની અકળામણ બાદ સુરતવાસીઓએ પણ ઠંડક અનુભવી હતી.
મહીસાગર જિલ્લાના મુખ્ય મથક લુણાવાડા શહેર ઉપરાંત ખાનપુર, સંતરામપુર, ગોધર અને કડાણા સહિતના તમામ તાલુકા વિસ્તારોમાં મધરાત બાદ તોફાની વરસાદ વરસ્યો હતો. ભારે પવનના કારણે કડાણાથી લીંબોડા ગામ વચ્ચેના માર્ગ પર તેમજ મલેકપુર-કડાણા હાઈવે પર વિશાળ વૃક્ષો રસ્તાની વચ્ચોવચ ધરાશાયી થઈ ગયા હતા, જેના કારણે વાહન વ્યવહાર સંપૂર્ણપણે ઠપ થઈ ગયો હતો.
અમરેલી જિલ્લાના વાતાવરણમાં પણ આજે અચાનક પલટો આવ્યો હતો. અસહ્ય અને કાળઝાળ ઉનાળાની ગરમી વચ્ચે રાજુલા પંથકમાં ગાજવીજ સાથે વરસાદ ખાબક્યો હતો. લાંબા સમયથી અસહ્ય બફારા અને ગરમીથી તોબા પોકારી ગયેલા લોકોને આ વરસાદી ઝાપટાથી મોટી રાહત મળી છે અને સમગ્ર વિસ્તારમાં ઠંડક પ્રસરી ગઈ છે.
અમદાવાદઃ વિમાનના ટોયલેટ સ્પીકરમાંથી રૂ. 4 કરોડોનું સોનું જપ્ત, બે પાઉચમાંથી 24 સોનાના બિસ્કિટ મળ્યાં | 2026-06-13 09:30:49
વિમાન દુર્ઘટનાનો ભોગ બનેલા લોકોના પરિવારોએ પ્રિયજનોને યાદ કર્યા, મૃતકો માટે સ્મારક બનાવવાની માંગ | 2026-06-13 09:09:38
ત્રણ ભારતીય ખલાસીઓના મોત પર જયશંકર ગુસ્સે ભરાયા, માર્કો રુબિયો સાથે ફોન પર નારાજગી વ્યક્ત કરી | 2026-06-13 08:45:56
ચોટીલાના PI- PSI સહિત 4 પોલીસકર્મીઓ સસ્પેન્ડ, સુરેન્દ્રનગર LCBમાં પણ મોટા પાયે બદલીઓ થઇ | 2026-06-12 18:19:56
પેરોલ પર છૂટેલા કુખ્યાત મોન્ટુ નામદારે પોલીસ સ્ટેશન બહાર જ પોલીસકર્મીને આપી જાનથી મારી નાખવાની ધમકી | 2026-06-12 18:09:58
બનાસકાંઠાઃ લાખણીના કૂવાણા ગામે જેતડા-દિયોદર હાઈવે પર ધોળા દિવસે સનસનાટીભરી હત્યા | 2026-06-12 18:03:39
ગુજરાતમાં રાજ્યસભાની ચૂંટણી, ભાજપના ચારેય ઉમેદવારો બિનહરીફ ચૂંટાયા | 2026-06-11 16:38:45
ટ્રાન્સમિશન લાઇન્સ: ગેરમાન્યતાઓ, હકીકતો અને ગુજરાતના ભવિષ્યમાં તેમનું મહત્વ | 2026-06-09 13:24:53
ઓપરેશન ડેલ્ટા હન્ટ: ગુજરાતમાં ગેરકાયદેસર વસતા 501 બાંગ્લાદેશીઓની અટકાયત | 2026-06-04 17:28:39
ગુજરાતની સરકારી શાળાઓમાં HTAT મુખ્ય શિક્ષકોની ભરતીને લીલીઝંડી: 1808 જગ્યાઓ પર થશે ભરતી | 2026-06-03 18:04:44
ગુજરાત સરકારનો મોટો નિર્ણય: 6 સિનિયર અધિકારીઓને સોંપાયો વધારાનો હવાલો | 2026-06-02 18:29:09
Copyright © 2026 Gujarat Post News.
Whatsapp
