Sat,25 June 2022,11:27 pm
Print
header

દિલ્હી: પ્રગતિ મેદાન ટનલનું ઉદ્ઘાટન કર્યા બાદ PM મોદીએ કચરો ઉપાડ્યો, જુઓ વીડિયો- Gujarat Post

નવી દિલ્હીઃ વડાપ્રધાન નરેન્દ્ર મોદીએ  પ્રગતિ મેદાન કોરિડોર હેઠળ બનેલી ટનલ અને 5 અંડરપાસનું ઉદ્ઘાટન કર્યું છે. ઉદ્ઘાટન બાદ પીએમ મોદીની નજર કચરા પર પડતા તેમણે પોતાના હાથે કચરો ઉપાડ્યો હતો. અને સ્વચ્છ ભારતનો સંદેશો આપ્યો હતો. આ કોરિડોર 6 લેનનો છે. કોરિડોરની મુખ્ય ટનલ, પ્રગતિ મેદાનમાંથી પસાર થઈને, રિંગ રોડને પુરાણા કિલ્લા રોડ થઈને ઈન્ડિયા ગેટ સાથે જોડે છે. તેના દ્વારા પ્રગતિ મેદાનના વિશાળ બેઝમેન્ટ પાર્કિંગ સુધી પહોંચી શકાય છે. રીંગ રોડ, મથુરા રોડ અને ભૈરોન માર્ગ પર વારંવાર ટ્રાફિક જામની સ્થિતિ હોય છે.ગાઝિયાબાદ, નોઈડા, NCR પ્રદેશ અને નજીકના કેન્દ્રોમાં ઝડપી વિકાસને કારણે આ ત્રણ રસ્તાઓ પર વાહનોની અવરજવર વધી છે. દિલ્હી-મથુરા એક્સપ્રેસ વેને કારણે ટ્રાફિક વધારે થાય છે. ત્યારે દિલ્હીમાં થતા આ વિકાસના કામોને લઇને જનતાને મુશ્કેલી ઓછી થશે.

નોઇડા અને ગ્રેટર નોઇડા, ગાઝિયાબાદ અને પૂર્વ દિલ્હીમાં રહેણાંક ટાઉનશીપના ઝડપી વિકાસને કારણે ઇન્ડિયા ગેટ અને ITPO- પ્રગતિ મેદાન વિસ્તારની આસપાસના રોડ નેટવર્ક પરનો ટ્રાફિક વધુ વધવાની શક્યતા છે. તેથી આ કોરિડોર લોકોની અવરજવર માટે ખોલવામાં આવ્યો છે. કોરિડોર સ્માર્ટ ફાયર મેનેજમેન્ટ, આધુનિક વેન્ટિલેશન, ઓટોમેટિક ડ્રેનેજ, ડિજિટલી નિયંત્રિત CCTV  જેવી વૈશ્વિક સુવિધાઓથી સજ્જ છે. 

ઉદ્ઘાટન દરમિયાન પીએમ મોદીએ કહ્યું કે દિલ્હીને કેન્દ્ર સરકાર તરફથી આધુનિક ઈન્ફ્રાસ્ટ્રક્ચરની ભેટ મળી છે. આટલા ઓછા સમયમાં આ કોરિડોર તૈયાર કરવો સરળ ન હતું. આ કોરિડોર જે રસ્તાઓની આસપાસ બનાવવામાં આવ્યો છે તે દિલ્હીના સૌથી વ્યસ્ત રસ્તાઓ છે. 

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch