Sun,26 June 2022,5:10 pm
Print
header

પીએમ મોદીને મળ્યું સૌભાગ્ય, અંદાજે 500 વર્ષ પછી મા મહાકાળી મંદિરના શિખર પર મોદીના હાથે ચડાવાઇ ધજા- Gujarat Post

અંદાજે 500 વર્ષ પછી પાવાગઢ મંદિરના શિખરે ધજા લહેરાવાઇ

આજે શક્તિ પ્રગટ થઇ હોય તેમ લાગે છેઃ મોદી 

વડોદરાઃ અંદાજે 500 વર્ષ પછી પાવાગઢના પ્રસિદ્ધ મહાકાળી મંદિરના શિખર પર ધજા લગેરાવાઇ છે, પીએમ મોદીએ મંદિરમાં પુજા-અર્ચના કરીને ધજા લહેરાવી છે, તેમને કહ્યું કે આજે શક્તિ પ્રગટ થઇ હોય તેવો મને અનુભવ થયો છે. હું આજે અહીં આવીને ધન્ય થઇ ગયો છું.

મહાકાળી મંદિરમાં મોદીએ કરી પૂજા 

મોટી સંખ્યામાં ભક્તો રહ્યાં ઉપસ્થિત 

મોહમ્મદ બેગડાએ માતાજીના મંદિરને ખંડિત કરીને અહીં દરગાહ બનાવી દીધી હતી, પરંતુ હવે નવું શિખર બનાવીને તેના પર સોનાનું કળશ ચઢાવવામાં આવ્યું છે. અંદાજે સાડા સાત કરોડ રૂપિયાના ખર્ચે આ બધુ તૈયાર કરવામાં આવ્યું છે. હજુ પણ કરોડો રૂપિયાના ખર્ચે અહીં વિકાસના કામો કરવામાં આવશે. મંદિરની આસપાસના વિસ્તારોમાં વિકાસ કરવામાં આવશે. 

મોદીએ 137 કરોડ રૂપિયાના વિકાસ કાર્યોની ભેટ આપતા કહ્યું કે હું મહાકાળી માતાને પ્રાર્થના કરું છું કે તેમના આશીર્વાદથી હું ઉર્જા અને સમર્પણ સાથે લોકોની સેવા કરી રહ્યો છું, મારા જીવનમાં જે કોઈ પણ પુણ્ય છે તે માતાઓ અને બહેનાના કલ્યાણ માટે સમર્પિત કરું છું. ગરવી ગુજરાતની ધરતી પરથી મા કાલીના ચરણોથી હું દેશની આઝાદીના અમૃત મહોત્સવનો સ્મરણ કરું છું. મોદીએ કહ્યું કે ગુજરાતે દેશની આઝાદી માટે જેટલું યોગદાન આપ્યું છે. એટલું જ દેશના વિકાસ માટે પણ આપ્યું છે. આપણું ગુજરાત ભારતની શાન અને ગૌરવની ઓળખ છે. 

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch