પાકિસ્તાનમાં રાજકીય ઉથલપાથલ વચ્ચે ઈમરાન ખાન માત્ર આટલા દિવસો માટે જ રહેશે વડાપ્રધાન- Gujarat Post

ઈસ્લામાબાદઃ પાકિસ્તાનમાં આ દિવસોમાં રાજકારણ ગરમાઈ રહ્યું છે.પાકિસ્તાનના પીએમ ઈમરાન ખાન વિરુદ્ધ લાવવામાં આવેલા અવિશ્વાસ પ્રસ્તાવ પર મતદાન થવાનું હતું, પરંતુ નાયબ મુખ્યમંત્રીએ વિદેશી ષડયંત્રનો આરોપ લગાવીને તેને ફગાવી દીધો હતો.આ પછી સંસદની કાર્યવાહી સ્થગિત કરવામાં આવી હતી. વિપક્ષ તેને બંધારણનું ઉલ્લંઘન ગણાવીને તેનો ઉગ્ર વિરોધ કરી રહ્યું છે.બીજી તરફ પાકિસ્તાનના રાષ્ટ્રપતિ આરિફ અલ્વીએ કહ્યું કે પાકિસ્તાનના બંધારણની કલમ 224A હેઠળ કાર્યવાહક પીએમની નિમણૂંક ન થાય ત્યાં સુધી ઈમરાનખાન વડાપ્રધાન પદે રહેશે.

પાકિસ્તાન પીપલ્સ પાર્ટીના નેતા બિલાવલ ભુટ્ટો ઝરદારીએ કહ્યું કે પાકિસ્તાનમાં વિપક્ષી મોરચો ઈમરાન ખાન સરકાર વિરુદ્ધ અવિશ્વાસ પ્રસ્તાવ પસાર ન થાય ત્યાં સુધી નેશનલ એસેમ્બલીમાં ધરણા કરશે. ટ્વિટર પર ભુટ્ટો ઝરદારીએ ટ્વિટ કર્યું: "પાકિસ્તાનની નેશનલ એસેમ્બલીના ડેપ્યુટી સ્પીકર કાસિમ સૂરીએ રાષ્ટ્રીય સુરક્ષાના આધારે અવિશ્વાસની દરખાસ્તને ફગાવી દીધા પછી સરકારે બંધારણનું ઉલ્લંઘન કર્યું છે.

ઈમરાન ખાને શનિવારે દેશના યુવાનોને તેમની સરકાર વિરુદ્ધ કથિત રીતે રચાયેલા "વિદેશી ષડયંત્ર" વિરુદ્ધ "શાંતિપૂર્ણ પ્રદર્શન" કરવાની અપીલ કરી હતી, પરંતુ તે જ સમયે પાકિસ્તાની સેનાની ટીકા ન કરવા કહ્યું હતું. તેમને દેશના "ભવિષ્ય માટેનું યુદ્ધ" ગણાવતા ખાને કહ્યું કે પાકિસ્તાન નિર્ણાયક મોરચે ઊભું છે. પાકિસ્તાનના ભૂતપૂર્વ વડા પ્રધાન નવાઝ શરીફે રવિવારે કહ્યું કે વડા પ્રધાન ઇમરાન ખાન અને દેશ વિરુદ્ધ ષડયંત્રમાં સામેલ અન્ય લોકો ગંભીર રાજદ્રોહના દોષી છે, બંધારણના ઉલ્લંઘન માટે તેમની સામે કેસ થવો જોઈએ.નવાઝ શરીફના નાના ભાઈ શાહબાઝે કહ્યું કે ઈમરાન વિરુદ્ધ બંધારણનું ખુલ્લેઆમ ઉલ્લંઘન કરવા બદલ કલમ 6 લાગુ થશે.

ભૂતપૂર્વ ગૃહપ્રધાન રાશિદે એક નિવેદનમાં જણાવ્યું કે સંસદના નીચલા ગૃહને ભંગ કરવાની ભલામણને પગલે તેઓ પાકિસ્તાન તહરીક-એ-ઈન્સાફ પાર્ટીના વડા ઈમરાન ખાનને મળ્યાં હતા. રશીદે કહ્યું કે દેશમાં આગામી સામાન્ય ચૂંટણી EVM (ઈલેક્ટ્રોનિક વોટિંગ મશીન) દ્વારા યોજવામાં આવશે નહીં. પહેલાથી માંગ કરનારા વિપક્ષોએ ખુશ થવું જોઈએ કે આગામી સામાન્ય ચૂંટણીઓમાં ઈવીએમનો ઉપયોગ નહીં થાય.

પાકિસ્તાનના વડાપ્રધાન ઇમરાન ખાને રવિવારે આક્ષેપ કર્યો હતો કે વરિષ્ઠ અમેરિકી રાજદ્વારી ડોનાલ્ડ લુ અવિશ્વાસ પ્રસ્તાવ દ્વારા તેમની સરકારને તોડી પાડવા માટે "વિદેશી ષડયંત્ર"માં સામેલ હતા. પાકિસ્તાનના વિરોધ પક્ષોના નેતાઓએ ખાનના આરોપને પાયાવિહોણા ગણાવ્યાં. અમેરિકાએ આરોપોને ફગાવી દીધા હતા. મુખ્ય સહયોગી મુત્તાહિદા કૌમી મૂવમેન્ટ પાકિસ્તાન (MQM-P) એ તેમનું સમર્થન પાછું ખેંચી લીધા પછી ઈમરાન સરકારે નેશનલ એસેમ્બલીમાં "બહુમતી ગુમાવી દીધી" હતી. પછી વિપક્ષો એક થઈને ઈમરાન ખાન વિરુદ્ધ અવિશ્વાસ પ્રસ્તાવ લાવ્યાં હતા.

ઇમરાને રવિવારે પંજાબ પ્રાંતના ગવર્નર ચૌધરી સરવરને હટાવી નવા મુખ્યમંત્રીની ચૂંટણી મોકૂફ રાખી હતી. નેશનલ એસેમ્બલીની જેમ, પંજાબ એસેમ્બલીના ડેપ્યુટી સ્પીકર સરદાર દોસ્ત મુહમ્મદ મજારીએ ઈમરાન સરકારને તોડી પાડવા માટે આંતરરાષ્ટ્રીય ષડયંત્રનો આક્ષેપ કર્યો હતો.તેમને ચૂંટણી યોજવાનો ઇનકાર કર્યો અને સત્રને 6 એપ્રિલ સુધી સ્થગિત કરી દીધું હતું.

સેનાએ આ સમગ્ર ઘટનાથી પોતાને દૂર રાખ્યાંનો દાવો કર્યો છે. તેમનું કહેવું છે કે અવિશ્વાસ પ્રસ્તાવથી લઈને નેશનલ એસેમ્બલી પૂરી થાય ત્યાં સુધીના સમગ્ર વિકાસ સાથે તેમને કોઈ લેવા દેવા નથી. બીજી તરફ વિરોધ પક્ષો પીપીપી, પીએમએલ-એનએ કોર્ટનો સંપર્ક કરવાનો નિર્ણય કર્યો છે. પાકિસ્તાની PMએ ફરી એકવાર કહ્યું કે 'કોઈ વિદેશી શક્તિ આ સમુદાયના ભાગ્યનો નિર્ણય નહીં કરે. હું સમુદાયને ચૂંટણીની તૈયારી કરવા માટે કહું છું, આ સમુદાયનું ભાગ્ય બીજું કોઈ નહીં નક્કી કરે, તમે નક્કી કરશો.

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/listing/Gujarat