ઢાકાઃ બાંગ્લાદેશમાં હિન્દુઓ પર થઈ રહેલા હુમલાઓ વચ્ચે મયમનસિંઘ જિલ્લામાંથી વધુ એક ચોંકાવનારી ઘટના સામે આવી છે. ભાલૂકા જિલ્લામાં આવેલી એક ગારમેન્ટ ફેક્ટરીની અંદર સુરક્ષા ફરજ દરમિયાન હિન્દુ યુવકની ગોળી મારીને હત્યા કરાઇ છે. આ મામલે તેમના જ સાથી નોમાન મિયા (29)ની પોલીસે ધરપકડ કરી છે. જ્યારે દેશમાં હિન્દુઓની સુરક્ષાને લઈને ગંભીર સવાલો ઉઠી રહ્યાં છે તેવા જ સમયે આ ઘટના બની છે.
આ ઘટના સોમવાર, 29 ડિસેમ્બરની સાંજે અંદાજે 6:45 વાગ્યે મેહરાબારી વિસ્તારમાં આવેલી 'સુલ્તાના સ્વેટર્સ લિમિટેડ' (લાબીબ ગ્રુપ) ની અંદર બની હતી. પોલીસના જણાવ્યાં અનુસાર, બજેન્દ્ર બિસ્વાસ અને નોમાન મિયા બંને ફેક્ટરી પરિષરમાં બનેલા અંસાર બેરેકમાં તૈનાત હતા. વાતચીત દરમિયાન નોમાન દ્વારા સરકારી શૉટગન મજાકમાં બજેન્દ્ર તરફ તાકવામાં આવી હતી.
આ દરમિયાન અચાનક ગોળી છૂટી ગઈ હતી, જે બજેન્દ્રની ડાબી જાંઘમાં વાગી હતી. તેમને તાત્કાલિક ભાલૂકા ઉપજિલ્લા આરોગ્ય કેન્દ્ર લઈ જવામાં આવ્યા હતા, પરંતુ ડોક્ટરોએ તેમને મૃત જાહેર કર્યા હતા. જોકે, બાંગ્લાદેશમાં હિન્દુઓ પર જે રીતે સતત હુમલા થઈ રહ્યા છે, તેને જોતા આ મામલે પણ સવાલો ઉઠી રહ્યાં છે કે શું ગોળી ખરેખર મજાકમાં ચાલી હતી કે તેની પાછળ કોઈ કાવતરું હતું ?
મૃતક બજેન્દ્ર બિસ્વાસ સિલહટ સદરના કાદિરપુર ગામના રહેવાસી હતા અને તેઓ પોતાના પરિવારના એકમાત્ર કમાતા સભ્ય હતા. જ્યારે આરોપી નોમાન સુનામગંજ જિલ્લાના તાહેરપુર પોલીસ સ્ટેશન વિસ્તારનો રહેવાસી છે. પોલીસે આરોપીની અટકાયત કરી સરકારી શૉટગન જપ્ત કરી લીધી છે અને હત્યાનો ગુનો નોંધી કાયદેસરની કાર્યવાહી શરૂ કરી છે.
આ પહેલા 18 ડિસેમ્બરે આ જ ભાલૂકા વિસ્તારમાં દીપુ ચંદ્ર દાસ નામના હિન્દુ યુવક સાથે મારપીટ કરી, નિર્વસ્ત્ર કરી અને જીવતો સળગાવીને હત્યા કરવાની ઘટના સામે આવી હતી. માનવાધિકાર સંગઠનોનું કહેવું છે કે વીતેલા મહિનાઓમાં હિન્દુઓ વિરુદ્ધ હિંસા, અપમાન અને હત્યાની ઘટનાઓમાં વધારો થયો છે, પરંતુ અનેક કિસ્સાઓમાં કડક કાર્યવાહી થઈ શકતી નથી. આ મામલે ભારતમાં પણ ચિંતા વધી છે.
અરવલ્લીઃ બાયડના ચોઇલા ગામે પતંગની દોરીથી ગળું કપાતા 17 વર્ષીય તરુણનું મોત | 2026-01-14 14:21:20
દિલ્હીમાં ભાજપના દિગ્ગજ નેતા રવિશંકર પ્રસાદના નિવાસસ્થાને આગ, જુઓ વીડિયો | 2026-01-14 09:51:41
ગુજરાતમાં IAS કેડરમાં બે અધિકારીઓની બઢતી અને નિમણૂંક - Gujarat Post | 2026-01-14 09:44:46
ઈરાનમાં વિરોધ પ્રદર્શન લોહીયાળ બન્યું: બે સપ્તાહમાં 2000 લોકોનાં મોત, સરકારે પ્રથમવાર આંકડો સ્વીકાર્યો | 2026-01-13 18:19:56
સુરતમાં મહિલા સાથેના સંબંધોમાં બિલ્ડરની થયેલી હત્યાનો ભેદ ઉકેલાયો, વકીલ સહિત 3 લોકોની ધરપકડ | 2026-01-13 18:01:18
Fact Check: ઈરાન હિંસામાં 6 ભારતીય નાગરિકોની ધરપકડની વાતમાં સામે આવ્યું સત્ય, જાણો- રાજદૂતે શું કહ્યું ? | 2026-01-12 14:19:38
સીરિયામાં ISIS પર અમેરિકાનો મોટો હુમલો, ડઝનબંધ ઠેકાણાઓનો નાશ કર્યો | 2026-01-11 09:54:10
અમેરિકાના 500 ટકા ટેરિફની ધમકી પર ભારતનો જડબાતોડ જવાબ:અમે અમારી નીતિ બદલીશું નહીં | 2026-01-09 20:02:44
અમેરિકાના સોલ્ટ લેક સિટીમાં ચર્ચના પાર્કિંગમાં ગોળીબાર, 2 લોકોના મોત અને 6 ઘાયલ થયા | 2026-01-08 16:01:10
ડ્રગ્સ માફિયાઓ સામે ઓપરેશન, ગુજરાત પોલીસે જાહેર કર્યો ખાસ વોટ્સએપ નંબર- Gujarat Post | 2026-01-13 17:52:03
Copyright © 2025 Gujarat Post News.
Whatsapp
