Wed,10 August 2022,7:54 am
Print
header

અમેરિકામાં ફરી ફાયરિંગ, હુમલાખોરે 3 લોકોને ઉતાર્યાં મોતને ઘાટ- Gujarat Post

(મીડિયાને માહિતી આપતી મેરીલેન્ડ પોલીસ)

  • બંદૂકધારીએ મેરીલેન્ડમાં અંધાધૂંધ ગોળીબાર કરીને 3 લોકોની હત્યા કરી નાખી
  • પોલીસની જવાબી કાર્યવાહી દરમિયાન આરોપી હુમલાખોર ઘાયલ થયો
  • ફાયરિંગનું કારણ હજુ સુધી જાણી શકાયું નથી

મેરીલેન્ડઃ અમેરિકામાં ફરી એકવાર ગોળીબારની ઘટના સામે આવી છે. બંદૂકધારીએ મેરીલેન્ડમાં અંધાધૂંધ ગોળીબાર કરીને 3 લોકોની હત્યા કરી નાખી છે. આ પછી તે કારમાં ફરાર થઇ ગયો હતો. બાદમાં પોલીસે સીસીટીવી ફૂટેજની મદદથી આરોપીને પકડી લીધો છે. ઘટના પાછળનું કારણ જાણવા પોલીસ તેની પૂછપરછ કરી રહી છે.

વોશિંગ્ટન કાઉન્ટીના શેરિફના પ્રવક્તાના જણાવ્યાં અનુસાર હુમલાખોરની ધરપકડ કરી લેવામાં આવી છે. પોલીસની જવાબી કાર્યવાહી દરમિયાન આરોપી હુમલાખોર ઘાયલ પણ થયો હતો. ઉપરાંત એક પોલીસ કર્મચારીને ગોળી વાગી છે. અધિકારીઓનું કહેવું છે કે ફાયરિંગનું કારણ જાણી શકાયું નથી.

પોલીસના જણાવ્યાં અનુસાર, મેરીલેન્ડના સ્મિથ્સબર્ગ વિસ્તારમાં લગભગ 3 હજાર લોકો રહે છે. આ સ્થળ બાલ્ટીમોરથી લગભગ 120 કિલોમીટર દૂર છે. ગુરુવારે, એક બંદૂકધારી જેણે કોલંબિયા મશીન ઇન્ક, બિઝનેસ સેન્ટરમાં પ્રવેશ કરીને ગોળીબાર કર્યો હતો.આ ઘટનામાં 3 લોકોના મોત થયા છે. સુરક્ષાકર્મીઓએ તેને તેની બંદૂકથી જવાબ આપ્યો હતો અને તે ઘાયલ થઇને ફરાર થઇ ગયો હતો. 

ઘટના બાદ આરોપી પોતાની કારમાં બેસીને ત્યાંથી ભાગી ગયો હતો, પોલીસે જણાવ્યું કે આરોપીની કારને ટ્રેક કરવામાં આવી હતી, બાદમાં તેની ધરપકડ કરવામાં આવી હતી.પોલીસે આ ઘટનામાં 3 લોકોના મોત અને એક ઘાયલ થયાની પુષ્ટિ કરી છે. ઘાયલ પોલીસ જવાન અને હુમલાખોરને સારવાર માટે હોસ્પિટલમાં દાખલ કરવામાં આવ્યાં છે. થોડા સમય પહેલા અમેરિકામાં સ્કૂલમાં થયેલા ગોળીબારમાં 18 લોકોના મોત થયા હતા. જે બાદ એક હોસ્પિટલમાં ફાયરિંગની ઘટના બની હતી. જેમાં 5 લોકોના મોત થયા હતા. અમેરિકામાં સમયાંતરે બનતી ફાયરિંગની ઘટનાને લઈને લોકો કડક કાયદો લાવવાની માંગ કરી રહ્યાં છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat sabarkatha arvali milk rate gujaratpost

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch