Thu,20 January 2022,4:05 pm
Print
header

ગુજરાતમાં ઓમિક્રોનની એન્ટ્રીની વાલીઓમાં ચિંતા, ધોરણ 1 થી 5 ના વર્ગો ફરી ઓનલાઇન શરૂ કરવા માંગ

ફાઇલ ફોટો 

ગાંધીનગર: રાજ્યમાં કોરોના વાયરસના નવા વેરિયન્ટ ઓમિક્રોન એન્ટ્રી થઈ ગઈ છે. કોરોનાના નવા વેરિયન્ટને લઈને લોકોમાં ભયનો માહોલ છે. રાજ્યમાં થોડા દિવસો પહેલા ધોરણ 1 થી 5 ના વર્ગો શરૂ કરવામાં આવેલા ઓફલાઇન કલાસને લઇને પણ વાલીઓ ચિંતામાં છે.રાજયમાં અનેક વાલીમંડળોએ ધોરણ 1 થી 5 ના ઓફલાઇન કલાસ ફરી એક વાર ઓનલાઇન શરૂ કરવાની માંગ કરી છે. આ અંગે ઓલ ગુજરાત વાલી મંડળના પ્રમુખ નરેશ શાહે કહ્યું કે રાજ્યના કોરોનાનો નવો વેરિયન્ટ ઓમિક્રોનની એન્ટ્રી થઈ છે.તેમજ લોકો પણ હજુ કોરોના પ્રત્યે એટલા સભાન નથી.તેવા સમયે સરકારે ધોરણ 1થી 5ના ઓફલાઇન શરૂ કરેલા વર્ગો ઓનલાઈન શરૂ કરવા જોઇએ. 

અમે તો પહેલાથી જ ધોરણ 1થી 5 ના વિધાર્થીના ઓફલાઇન કલાસના પક્ષમાં ન હતા. તેમજ જો કોરોનાનો ચેપ બાળકોને લાગશે તો મુશ્કેલી વધશે.બાળકોના હિતમાં સરકારે ધો 1થી 5ની સ્કૂલો તાત્કાલિક ધોરણે બંધ કરીને ઓનલાઇન શરૂ કરવી જોઇએ. શાળા સંચાલકો અને સરકારે બાળકોને શાળાએ મોકલતા પૂર્વે વાલીઓ પાસેથી સંમતિપત્ર પણ લઇ લીધું છે.

જો બાળકોને કોરોના થાય તો તે જવાબદારી વાલીઓની છે, શાળા અને સરકારે તો આ મુદ્દે પોતાના હાથ અધ્ધર કરી દીધા છે. તેથી બાળકોના હિતમાં ભાજપ સરકારે તાત્કાલિક ધોરણે નિર્ણય લેવાની જરૂરિયાત છે. રાજ્યની અનેક શાળાઓમાં ધોરણ 1 થી 5 ક્લાસમાં વિધાર્થીઓની હાજરી પાંખી જોવા મળી રહી છે. તેમજ વાલીઓ પણ બાળકોને શાળાએ મોકલીને કોઇપણ પ્રકારનું જોખમ લેવા તૈયાર નથી. 

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch