કાઠમંડુ: નેપાળમાં તાજેતરમાં આવેલા વિનાશક પૂરમાં 900 થી વધુ લોકોનાં મોત નીપજ્યાં છે. હાલમાં પણ વિવિધ સ્થળોએ રાહત અને બચાવ કામગીરી ચાલી રહી છે અને હજારો લોકો હજુ પણ ગુમ છે. આ દરમિયાન દેશમાં ફરી એકવાર ભયાનક પૂરની ચેતવણી આપવામાં આવી છે. તિબેટના પહાડોમાં હિમશિલાં તૂટવાના કારણે ભારે તબાહી મચી હતી. પાણી સાથે ભારે માત્રામાં કાટમાળ અને વિશાળ ખડકો વહી આવતાં મોટા પાયે નુકસાન થયું હતું. હવે ફરીથી તિબેટમાં આવી જ પરિસ્થિતિ સર્જાઈ છે, જેના કારણે નીચાણવાળા વિસ્તારોમાં ફરીથી ભારે માત્રામાં પાણી અને કાટમાળ આવી શકે છે.
નેપાળની 'નેશનલ ડિઝાસ્ટર રિસ્ક રિડક્શન એન્ડ મેનેજમેન્ટ ઓથોરિટી' (NDRRMA) એ લોકોને સતર્ક કરતાં સોશિયલ મીડિયા પ્લેટફોર્મ 'X' પર જણાવ્યું કે, રસુવા જિલ્લા વહીવટી કચેરીને માહિતી મળી છે કે ભોટેકોશી નદીમાં પૂરના વહેણનો તીવ્ર અવાજ સંભળાયો છે. આથી, અમે નદી કાંઠાના વિસ્તારો જેવા કે રસુવા, નુવાકોટ અને ધાદિંગ સુધી સાવચેતી રાખવા અપીલ કરીએ છીએ. વધુ માહિતી મળતાં જ અપડેટ આપવામાં આવશે.
ભારતના વિદેશ મંત્રાલયના જણાવ્યાં અનુસાર, આ ભયાનક પૂર બાદ 275 થી વધુ ભારતીયો ગુમ છે, જ્યારે 108 લોકોને સુરક્ષિત બચાવી લેવાયા છે. ઉપરાંત ભારતીય મૂળના 128 લોકો પણ લાપતા છે. છેલ્લા બે દિવસમાં 598 ભારતીય નાગરિકો ચીનથી સુરક્ષિત રીતે નેપાળ પહોંચી ગયા છે, જ્યારે આશરે 900 ભારતીયો હજુ પણ ચીનમાં છે, જો કે તેઓ સુરક્ષિત છે, પૂરથી ખરાબ રીતે પ્રભાવિત રસુવાના એક હાઇડ્રોપાવર પ્રોજેક્ટમાંથી ચાર ભારતીય નાગરિકોને બચાવી લેવાયા છે અને તેઓ ટૂંક સમયમાં કાઠમંડુ પહોંચશે.
#WATCH | Nuwakot, Nepal: Drone visuals from Devighat in Nuwakot district show the damage caused by the recent floods, with villages and houses covered in thick mud, damaged bridges, and debris scattered along the river. Search and rescue operations have resumed after a brief… pic.twitter.com/mo9R0JVcLd
— ANI (@ANI) August 30, 2026
ભારતે શનિવારે ભારતીય વાયુસેનાના C-130J મિલિટરી ટ્રાન્સપોર્ટ એરક્રાફ્ટ મારફતે 11 ટન રાહત સામગ્રીનો ચોથો જથ્થો નેપાળ મોકલ્યો હતો. વિદેશ મંત્રી એસ.જયશંકરે જણાવ્યું કે, વિમાનમાં સર્ચ અને રેસ્ક્યું ઓપરેશન માટેના સાધનો સાથે એક ટેકનિકલ ટીમ તેમજ ડીએનએ (DNA) એનાલિસિસ માટે ફોરેન્સિક એક્સપર્ટ્સની ટીમ અને સાધનો પણ મોકલવામાં આવ્યાં છે. આ ફોરેન્સિક ટીમ પૂરમાં મૃત્યુ પામેલા લોકોના મૃતદેહોની ઓળખ કરવામાં નેપાળી અધિકારીઓને મદદ કરશે.
ઉપરાંત, 230 ફૂટના 'સિંગલ લેન મોડ્યુલર સ્ટીલ બ્રિજ' માટે સામગ્રી લઈ જતા 16 ટ્રકો પણ નેપાળ પહોંચી ગયા છે. વધુ સાત બેઈલી બ્રિજ બનાવવા માટેના સાધનો પણ ટૂંક સમયમાં મોકલાશે અને તેને સ્થાપિત કરવા ટેકનિકલ ટીમો પણ પહોંચશે. ભારતે અત્યાર સુધીમાં નેપાળને કુલ 68.5 ટન રાહત સામગ્રી પૂરી પાડી છે.
ટ્રમ્પનું ફરી ગયું છે... રશિયા પાસેથી ક્રૂડ ઓઇલ ખરીદનારા ભારત સહિતના દેશો પર અમેરિકા 100 ટકા ટેરિફ લાદવાની તૈયારીમાં | 2026-09-16 09:31:06
બિહારના ભાજપ નેતાનો દાવો, અભિનેતા સુશાંત સિંહ રાજપૂતની હત્યા થઇ હતી, દિશા સલિયાનની હત્યા પણ આ જ બનાવ સાથે જોડાયેલી | 2026-09-16 09:18:27
FACT CHECK: BRICS સમિટમાં વિશ્વના નેતાઓ સાથે PM મોદીનો આ સેલ્ફી ફોટો AI જનરેટેડ છે | 2026-09-15 14:40:35
કચ્છ જિલ્લામાં બે દિવસથી મુશળધાર વરસાદ, માંડવી તાલુકામાં 6 કલાકમાં લગભગ 7 ઇંચ વરસાદ નોંધાયો | 2026-09-15 14:18:01
મામલતદાર તો ક્યારેક IT ઓફિસર બનતો ગઠિયો હવે શ્રમ વિભાગના નામે તોડ કરવા જતાં જેલભેગો થયો | 2026-09-14 17:20:01
ઇન્ડોનેશિયા: જાવા સમુદ્રમાં 240 લોકોને લઈને જતું જહાજ ગુમ, સંપર્ક તૂટ્યાં બાદ ચિંતા વધી | 2026-09-13 10:10:02
BRICS સમિટનું સંયુક્ત ઘોષણાપત્ર જાહેર: એક તરફી ટેરિફ અને વેપાર પ્રતિબંધોની આકરી ટીકા કરાઇ | 2026-09-12 18:00:11
BRICS ની શક્તિશાળી તસવીર: PM મોદી, પુતિન અને જિનપિંગ એક સાથે જોવા મળ્યાં | 2026-09-12 17:33:26
શી જિનપિંગ ભારતની મુલાકાતે, BRICS માં પીએમ મોદી સાથે મહત્વની બેઠક | 2026-09-12 09:12:08
મેઘરાજાની તોફાની બેટિંગ: સાંજે 4 વાગ્યા સુધીમાં રાજ્યના 240 તાલુકાઓમાં વરસાદ | 2026-09-14 17:11:19
સુરેન્દ્રનગર- રાજકોટમાં વરસાદની આગાહી, અમદાવાદ સહિત 14 જિલ્લાઓમાં ઓરેન્જ એલર્ટ | 2026-09-14 17:00:17
Copyright © 2026 Gujarat Post News.
Whatsapp
