નવી દિલ્હીઃ NEET-UG 2026પેપર લીક કેસની તપાસ જેમ-જેમ આગળ વધી રહી છે, તેમ-તેમ વધુ ચોંકાવનારા ખુલાસા થઈ રહ્યા છે. હવે આ સમગ્ર કૌભાંડમાં એક નવો અને સનસનાટીભર્યો વળાંક આવ્યો છે. નેશનલ ટેસ્ટિંગ એજન્સી સાથે જોડાયેલા એક અજ્ઞાત અધિકારીનું નામ હવે સીધું સીબીઆઈ રડાર પર આવી ગયું છે.
આ મોટો ખુલાસો મનીષા સંજય માંઢરે અને કેમિસ્ટ્રીના લેક્ચરર પીવી કુલકર્ણીની ધરપકડ બાદ થયો છે. આ બંનેની 3 મેના રોજ યોજાયેલી પરીક્ષાના પેપર લીક કેસમાં ધરપકડ કરવામાં આવી હતી, જેના કારણે દેશભરમાં મચેલા હોબાળા બાદ પરીક્ષા રદ કરવી પડી હતી. હાલમાં કોર્ટે આ બંને આરોપીઓને 10 દિવસની સીબીઆઈ કસ્ટડીમાં મોકલી દીધા છે.
સૂત્રોના જણાવ્યા અનુસાર, જ્યારે સીબીઆઈ કોર્ટ પાસે મનીષા માંઢરેની કસ્ટડી માંગી રહી હતી, ત્યારે એજન્સીએ આ સમગ્ર ખેલમાં ઇનસાઇડ જોબ એટલે કે અંદરના લોકોની મિલીભગત હોવાના સંકેત આપ્યા હતા. સીબીઆઈનો આરોપ છે કે વાઘમારેએ અન્ય આરોપીઓ અને એનટીએના જ એક અજ્ઞાત અધિકારી સાથે મળીને કાવતરું ઘડ્યું હતું. આ કાવતરા હેઠળ પરીક્ષાના ઘણા દિવસો પહેલા, એટલે કે 27 એપ્રિલે જ પ્રશ્નપત્ર અને તેની આન્સર-કી આરોપીઓ સુધી પહોંચાડી દેવામાં આવ્યા હતા.
સીબીઆઈના જણાવ્યાં અનુસાર, વાઘમારેની મુલાકાત આ સમગ્ર પેપર લીકના કથિત માસ્ટરમાઇન્ડ પીવી કુલકર્ણી સાથે બાયોલોજીની લેક્ચરર મનીષા માંઢરેએ કરાવી હતી. આશ્ચર્યની વાત એ છે કે મનીષા માંઢરે પોતે એનટીએની પેપર-સેટિંગ કમિટીની સભ્ય હતી, જેની શનિવારે ધરપકડ કરવામાં આવી હતી.
તપાસ એજન્સીએ જણાવ્યું કે મનીષા માંઢરેએ કુલકર્ણી પાસેથી પ્રશ્નો મેળવ્યા અને મોટી રકમના બદલામાં તેને અન્ય એક આરોપી ધનંજય લોખંડે અને કેટલાક અન્ય લોકોને સોંપી દીધા હતા. લોખંડેની 13 મેના રોજ મહારાષ્ટ્રના અહિલ્યાનગરથી ધરપકડ કરવામાં આવી હતી, જેના પર આગળ વિદ્યાર્થીઓ સુધી પેપર વહેંચવાનો આરોપ છે.
ઉપરાંત પુરાવા નાબૂદ કરવાના પણ પૂરા પ્રયાસો કરવામાં આવ્યા હતા. કુલકર્ણી દ્વારા વિદ્યાર્થીઓ સાથે શેર કરવામાં આવેલા કેમિસ્ટ્રીના હાથથી લખેલા પ્રશ્નોને નષ્ટ કરી દેવામાં આવ્યા હતા. એટલું જ નહીં, 3 મેના રોજ પરીક્ષા પૂરી થયાના તરત જ બાદ મનીષા માંઢરેએ પણ બાકીના કાગળો સળગાવીને રાખ કરી દીધા હતા.
અમદાવાદઃ વિમાનના ટોયલેટ સ્પીકરમાંથી રૂ. 4 કરોડોનું સોનું જપ્ત, બે પાઉચમાંથી 24 સોનાના બિસ્કિટ મળ્યાં | 2026-06-13 09:30:49
વિમાન દુર્ઘટનાનો ભોગ બનેલા લોકોના પરિવારોએ પ્રિયજનોને યાદ કર્યા, મૃતકો માટે સ્મારક બનાવવાની માંગ | 2026-06-13 09:09:38
ત્રણ ભારતીય ખલાસીઓના મોત પર જયશંકર ગુસ્સે ભરાયા, માર્કો રુબિયો સાથે ફોન પર નારાજગી વ્યક્ત કરી | 2026-06-13 08:45:56
ચોટીલાના PI- PSI સહિત 4 પોલીસકર્મીઓ સસ્પેન્ડ, સુરેન્દ્રનગર LCBમાં પણ મોટા પાયે બદલીઓ થઇ | 2026-06-12 18:19:56
પેરોલ પર છૂટેલા કુખ્યાત મોન્ટુ નામદારે પોલીસ સ્ટેશન બહાર જ પોલીસકર્મીને આપી જાનથી મારી નાખવાની ધમકી | 2026-06-12 18:09:58
સરકારનો મોટો નિર્ણય, આ ગ્રાહકો હવે પેટ્રોલ પંપ પરથી પેટ્રોલ અને ડીઝલ મેળવી શકશે નહીં | 2026-06-12 09:13:31
યુએસ મિસાઇલ હુમલામાં હિમાચલના આદિત્ય શર્માનું મોત, જહાજ પર કેડેટ તરીકે ફરજ બજાવતા હતા | 2026-06-11 20:56:07
મણિપુરમાં નાગા સમુદાયના છ મૃતદેહો મળી આવતાં હડકંપ, ઇમ્ફાલમાં ફરી હિંસા ભડકી | 2026-06-11 08:50:34
ઉજ્જવલા યોજનાના નિયમો બદલાયા, 10 કરોડ પરિવારોને ઝટકો, LPG અંગે સરકારનો મોટો નિર્ણય | 2026-06-09 13:03:24
બનાસકાંઠાઃ લાખણીના કૂવાણા ગામે જેતડા-દિયોદર હાઈવે પર ધોળા દિવસે સનસનાટીભરી હત્યા | 2026-06-12 18:03:39
Copyright © 2026 Gujarat Post News.
Whatsapp
