Wed,10 August 2022,8:15 am
Print
header

પાટણમાં સગા મામાના દિકરાએ ફોઈના દિકરાને બજારમાં રહેંસી નાખ્યો, માતાનું હૈયાફાટ રૂદન- Gujaratpost

વેરાઇ ચકલા વિસ્તારમાં સવારે 9 વાગ્યાની આસપાસ બન્યો હત્યાનો બનાવ 

છેલ્લા એક વર્ષથી ચાલતા ઝઘડામાં ખેલાયો ખૂની ખેલ 

પાટણઃ શહેરમાં હત્યાનો બનાવ બનતા ચકચાર મચી ગઈ છે. સગા મામાના છોકરાએ ફોઈના દિકરાને બજાર વચ્ચે રહેંસી નાખ્યો હતો, છરીથી હુમલો કરતા તેનું મોત થઇ ગયું છે. પાટણ શહેરના વેરાઇ ચકલા વિસ્તારમાં સવારે 9 વાગ્યાની આસપાસ આ હત્યાનો બનાવ બન્યો હતો. ઘટનાને પગલે પોલીસ કાફલો અહીં પહોંચી ગયો છે.

મામા-ફોઈના દિકરા વચ્ચે છેલ્લા એક વર્ષથી ચાલતા ઝઘડામાં ખૂની ખેલ ખેલાયો છે. આ સમગ્ર ઘટના સીસીટીવીમાં કેદ થઇ છે. જેમાં રિક્ષા ચાલક ફોઈના દિકરા પર મામાનો દિકરો છરી વડે હુમલો કરે છે. રિક્ષા ચાલક ઢળી પડે છે. જેને તાત્કાલિક સારવાર અર્થે ખસેડવામાં આવ્યો હતો, પણ સારવાર મળે તે પહેલા જ તેનું મોત થયું હતું.

મૃતક પ્રકાશ પટણી રિક્ષા ચલાવીને ગુજરાન ચલાવતો હતો. છેલ્લા એક વર્ષથી તેના મામાના દિકરા સાથે ઝઘડો ચાલતો હતો. જેમાં આજે સવારે પ્રકાશ ઘરેથી રિક્ષા લઇને વર્ધી માટે નીકળ્યો હતો, ત્યારે વેરાઇ ચકલા પાસે તેના મામનો છોકરો મળ્યો હતો. શરૂઆતમાં થયેલી સામાન્ય બોલાચાલીએ ઉગ્ર સ્વરુપ ધારણ કર્યું હતું અને ઉશ્કેરાયેલા મામાના છોકરાએ પ્રકાશને ભરબજારે રહેસી નાખ્યો હતો. જેને હોસ્પિટલ લઇ જતા ડોક્ટરે મૃત જાહેર કર્યો હતો.  મૃતકના પરિવારજનોના હૈયાફાટ રુદનથી માહોલમાં ગમગીની છવાઇ હતી. આ ઘટના અંગે પોલીસે ફરિયાદના આધારે તપાસ હાથ ધરી છે.

https://www.gujaratpost.in પર સૌથી ઝડપી સમાચાર 

ગુજરાતના અન્ય લેટેસ્ટ સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch