Wed,10 August 2022,7:14 am
Print
header

એકનાથ શિંદે અને દેવેન્દ્ર ફડણવીસ વડોદરામાં મળ્યાં, અમિત શાહ પણ હાજર હોવાની ચર્ચાઓ- Gujarat Post

મુંબઇઃ મહારાષ્ટ્રના રાજકારણમાં બળવાખોર નેતાઓ ઉદ્ધવની સામે નમવા તૈયાર નથી. બીજી તરફ શિવસેનાની રાષ્ટ્રીય કાર્યકારિણીની બેઠક બોલાવવામાં આવી હતી. જેમાં એકનાથ શિંદે જૂથ વિરુદ્ધ ઠરાવ પસાર કરવામાં આવ્યો હતો. શિંદે દ્વારા તેમના જૂથને શિવસેના બાળાસાહેબ તરીકે જાહેર કરવાના વિરોધમાં શિવસેના ચૂંટણી પંચમાં જશે. બીજી તરફ એવી માહિતી સામે આવી છે કે શુક્રવારે મોડી રાત્રે એકનાથ શિંદે વડોદરામાં દેવેન્દ્ર ફડણવીસને મળ્યાં હતા.

સૂત્રોના જણાવ્યાં અનુસાર જ્યારે એકનાથ શિંદે અને દેવેન્દ્ર ફડણવીસ વડોદરામાં મળ્યાં હતા. તે સમયે અમિત શાહ પણ વડોદરામાં હાજર હોવાની વાત સામે આવી છે. જો કે શાહ અને શિંદેની મુલાકાત થઈ છે કે નહીં તે સ્પષ્ટ નથી.

વડોદરામાં ગઈકાલે રાત્રે દેવેન્દ્ર ફડણવીસ અને શિંદે વચ્ચે બેઠક થઈ હતી.બંને વચ્ચે રાત્રે 2 વાગ્યાથી સવારે 4 વાગ્યાની વચ્ચે મુલાકાત થઈ હતી. આ બેઠક માટે ફડણવીસ ઈન્દોરથી દિલ્હી અને પછી વડોદરા આવ્યાં હતા. આ માહિતી સામે આવ્યાં બાદ રાજકીય વર્તુળોમાં ચર્ચાઓ શરૂ થઈ છે કે શિંદે જૂથ ગમે ત્યારે ભાજપને સમર્થન આપી શકે છે.

શિવસેનાના બળવાખોર ધારાસભ્ય દીપક કેસરકરે કહ્યું કે વિલીનીકરણની કોઈ જરૂર નથી, અમારા જૂથને અલગ ઓળખ આપવામાં આવશે અને અમે કોઈ અન્ય પક્ષ સાથે વિલીનીકરણ કરવાના નથી. અમે હજુ પણ શિવસેનામાં છીએ,એવી ગેરસમજ છે કે અમે પાર્ટી છોડી દીધી છે. અમારા નવા નેતા બહુમતી સાથે ચૂંટાશે.

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર ક્લિક કરો

https://www.gujaratpost.in/news/listing/Gujarat 

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch