Mon,25 October 2021,7:03 am
Print
header

મહંત નરેન્દ્રગીરીની સ્યૂસાઇડ કેસઃ આનંદગીરી યુવતી સાથેના ફોટો બનાવીને બદનામ કરવા માંગતો હતો

ઉત્તરપ્રદેશઃ અખિલ ભારતીય અખાડા પરિષદના પ્રમુખ અને નિરંજની અખાડાના સચિવ મહંત નરેન્દ્રગીરીના મોત પર હજુ સસ્પેન્સ છે. આ બધાની વચ્ચે તેમના શિષ્ય આનંદગીરીને પોલીસ દ્વારા હરિદ્વારથી પ્રયાગરાજ લાવવામાં આવ્યો છે. તેની પોલીસ દ્રારા પૂછપરછ કરવામાં આવી રહી છે.

સોમવારે પ્રયાગરાજનાં બાગંભરી મઠમાં નરેન્દ્રગીરીનો મૃતદેહ શંકાસ્પદ હાલતમાં લટકતો મળી આવ્યો હતો. આનંદગીરીનો ઉલ્લેખ તેમની સ્યૂસાઇડ નોટમાં છે. નરેન્દ્ર ગીરીની 7 પાનાની નોટ સામે આવી છે. જેમાં લખવામાં આવ્યું છે કે મહંત નરેન્દ્ર ગીરીને યુવતી સાથે જોડીને તેમનો વીડિયો વાયરલ કરવાની ધમકી આપવામાં આવી રહી હતી.જેને કારણે તેઓએ આ પગલું ભરવું પડ્યું છે. પત્રમાં આનંદગીરી, આધ્યા તિવારી અને સંદીપ તિવારીનો ઉલ્લેખ છે. તેમને આત્મહત્યા માટે જવાબદાર ઠેરવવામાં આવ્યાં છે. 

લખ્યું છે હું નરેન્દ્રગીરી, આજે મારું મન આનંદગીરીને કારણે ખૂબ જ વ્યગ્ર થઈ ગયું છે.તે મને બદનામ કરવાનો પ્રયાસ કરી રહ્યો છે.આ જે જ્યારે મને માહિતી મળી છે કે હરિદ્વારથી આનંદગીરી કોમ્પ્યુટર દ્વારા કોઇ છોકરીની તસવીર મૂકીને મારા કેટલાક વીડિયો વાયરલ કરવા જઈ રહ્યો છે, હું વિચારી રહ્યો છું કે હું ક્યાં જઈશ,જો આવું થશે તો હું કોને સત્ય કહીશ.એટલા માટે હું આ પગલું ભરવાનો છું. હું જે સ્થિતિમાં છું, જો મારો વીડિયો વાયરલ થશે તો હું જે સમાજમાં રહું છું તેની સામે હું કેવી રીતે આવીશ.એના કરતા મારે મરવું પડશે. આ કારણે હું આત્મહત્યા કરવા જઈ રહ્યો છું. આનંદગીરી, આધ્યા પ્રસાદ તિવારી, સંદીપ તિવારી મારા મૃત્યું માટે જવાબદાર રહેશે. આ લોકો સામે કાયદેસરની કાર્યવાહી થવી જોઈએ. એવું પણ લખવામાં આવ્યું છે કે 13 સપ્ટેમ્બરે તેમણે આત્મહત્યાનો પ્રયાસ પણ કર્યો હતો, પરંતુ હિંમત ચાલી ન હતી.હું ઈચ્છું છું કે આ સિંહાસન સંભાળનાર નવી વ્યક્તિએ તેની સંભાળ લેવી જોઈએ. નોંધનિય છે કે અહીના મઠની જમીનનો વિવાદ પણ મોટો થયો હતો આ બધો ખેલ સંપત્તિનો હોવાનું સામે આવ્યું છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પરો

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch