Fri,18 June 2021,1:38 am
Print
header

જામનગરઃ શાળાએ જઈ રહેલી શિક્ષિકા પત્ની પર અચાનક પતિએ છરી વડે હુમલો કરી તેનું ઢીમ ઢાળી દીધું

જામનગરઃ શહેરના ગુલાબનગર વિસ્તારમાં એક હત્યાના બનાવથી પોલીસ દોડતી થઇ ગઇ છે. સવારે મહાપ્રભુજીની બેઠક નજીક શાળાએ જતી શિક્ષિકા પત્નીની પતિએ હત્યા કરી દેતા સનસનાટી મચી ગઇ છે. પોલીસે આરોપીને ઝડપીને ઘટનાની તપાસ હાથ ધરી છે. દંપત્તિ વચ્ચે લાંબા સમયથી ઝઘડા ચાલતા હોવાનું સામે આવ્યું છે.

ગુલાબનગર વિસ્તારમાં આવેલી વૃંદાવન સોસાયટીમાં રહેતા નીતાબેન પ્રફુલભાઈ ડાભી (ઉ.વ 40) નામની મહિલા સવારે નાના થાવરિયા ગામની શાળાએ નોકરી પર જતા હતા અને પાછળથી આવીને તેના પતિએ નીતાબેન પર અચાનક છરી વડે હુમલો કરી તેનું ઢીમ ઢાળી દીધું હતુ, છરીના બે-ત્રણ પ્રહાર શરીરના ભાગે થઇ જતાં પત્ની ઘટનાસ્થળે જ ઢળી પડી હતી અને મોત થયું હતું.

મૃતક શિક્ષિકા નીતાબેનના લગ્ન બાદ સંતાનમાં એક દીકરી છે. નીતાબેનના ભાઈ અમિત ધારવિયાના જણાવ્યાં પ્રમાણે  નીતાબેન અને પ્રફુલભાઈ વચ્ચે અવાર-નવાર ઘરકંકાસને કારણે બોલાચાલી અને નાના મોટા ઝઘડા થતા હતા. કંઈ પણ કામ નહીં કરતા હોવાથી પતિ પ્રફુલ્લ ડાભી સાથે બોલાચાલી થતા નીતાબેન છેલ્લા 10 દિવસથી તેના પિતા રતિલાલ ધરવીયાને ત્યાં ગયા હતા. 7  જૂન 2021ના સોમવારે સ્કૂલ ખુલતા તેઓ નાના થાવરીયા શાળાએ નોકરી માટે નિકળ્યાં હતા. ત્યારે પતિ પ્રફુલ્લ ડાભીએ હુમલો કરીને તેમની હત્યા કરી દીધી છે.

આ ઘટનાને અંજામ આપી પતિ ફરાર થઇ ગયો હતો. આ ઘટનાની જાણ થતાં જ સિટી-એ ડિવિઝન પોલીસ દફતરનો કાફલો ઘટના સ્થળ પર પહોંચી ગયો હતો. પતિએ જ પત્નીની​ હત્યા નીપજાવી હોવાનું સામે આવતાં પોલીસે તપાસ શરૂ કરીને હત્યારા પતિને દબોચી લીધો છે.

https://www.facebook.com/gujaratpostin

https://www.gujaratpost.in પર સૌથી ઝડપી સમાચાર 

ગુજરાતના અન્ય તાજા સમાચારો માટે નીચેની લિંક પર

https://www.gujaratpost.in/news/listing/Gu

https://www.gujaratpost.in/news/aravalli-lovers-punishment-gujaratpost-news-gujarati-samachar

Watch

Watch

-->